راسان و هه‌نگاوێکی تر

راسان و هه‌نگاوێکی دیکه‌:

دوای ماوه‌یه‌ک راوه‌ستان، ئه‌نجام ده‌وری دووهه‌می مانگنامه‌ی راسان به‌ دووزمانی فارسی و کوردی که‌وته‌ به‌ر ده‌ستی خوێنه‌ران.

پێویسته‌ پیرۆزبایی خؤم ئاراسته‌ی ده‌سته‌ی به‌رێوه‌به‌ر و نووسه‌رانی ئه‌و مانگنامه‌یه‌ بکه‌م و به‌رده‌وام بوون و سه‌رکه‌وتنیان به‌ئاوات ده‌خوازم!

دیاره‌ له‌سه‌رده‌می ده‌سه‌ڵاتدارێتی زماندا هه‌ربلاڤؤکیک به‌مانای گوتنی ئێمه‌ش ده‌ژین! ه‌ له‌ به‌رانبه‌ر ئێوه‌ ده‌ژین یا گوتاره‌کانی "ئه‌وی دی" و" ئه‌وانی دی"دا و سه‌روتار و دوا وتاری ده‌سپێکی سه‌رله‌نوێی راسانیش(سالی دووهه‌م، ژماره‌6) به‌له‌ونێک ویستوویه‌ ئه‌م خاڵه‌ سه‌ره‌کییه‌ ده‌ربڕێ و " درک حضور دیگری" بکا.....به‌ڵام به‌داخه‌وه‌ هه‌ر له‌ سه‌ره‌تاوه‌ وا هه‌ست ده‌کری له‌ پێناسه‌ی "ئه‌وی دی"دا تووشی پارادؤکسێک بوونه‌ته‌وه‌ و مانای ئێمه‌ وه‌ک"خود" و مانای ئه‌وان وه‌ک بێگانان خوێندراوه‌ته‌وه‌ و ئه‌مه‌ش له‌ درێژخایه‌ندا شه‌ڕ ده‌نێته‌وه‌ نه‌ک دیالؤگ و رێکه‌وتن.(بڕواننه‌ پاش وتاری "مانا"هه‌ر له‌و ژماره‌یه‌دا بۆ وه‌ی مه‌به‌سته‌که‌ی منتان باشتر بؤ روون بێته‌وه‌) بۆ وه‌ی "ئه‌وی دی" سه‌ره‌تا له‌ ناخی خؤمانداچاوهه‌ڵدێنێ و ئه‌وه‌نده‌ش به‌ئێمه‌ نامؤ نیه‌ و مانای ئێمه‌ به‌پێی مانای ئه‌وان و به‌ پێچه‌وانه‌وه‌ هه‌مان " درک حضور دیگری"یه‌ نه‌ک شتێکی نه‌رێنی و خراپ که‌ بمانهه‌وێ خۆمانی لێ لاده‌ین.....

دیسانه‌وه‌ به‌ هیوای سه‌رکه‌وتن و به‌رده‌وام بوونی راسان و پشتگه‌رمی زێده‌تری به‌ڕێوه‌به‌ران و نووسه‌رانی راسان!

نالی و دیدارێکی تازه‌ له‌ سلێمانی

نالی و دیدارێکی دیکه‌ له‌ سلێمانی

رۆژه‌کانی 1،2،3/7/2006 له‌لایه‌ن سه‌نته‌ری رۆشنبیری ئێل به‌گی جاف ه‌وه‌ مێهره‌جانیک له‌ ژێر دروشمی "تا شێعر بمێنێ نالی هه‌ر له‌ لووتکه‌دایه‌" سازکرا و زۆرێ له‌ خوێنه‌رانی چالاک و ناچالاکی تێکسته‌کانی نالی له‌ کوردستانی باشوور و رۆژهه‌ڵات، به‌شداریی ئه‌و دانیشتنانه‌ بوون و خوێندنه‌وه‌ی خۆیان ئاراسته‌کرد..

منیش به‌ش به‌ حاڵی خۆم هه‌وڵم دا، له‌ درێژه‌ی وتارگه‌لی نالی و خوێندنه‌وه‌ نوێکانی سه‌رده‌م دا، به‌ وتاری"نالی و جوانیناسی کانت" له‌ ده‌لاقه‌یه‌کی نوێتره‌وه‌ نه‌رمه‌ تیشکیک بهاوێمه‌ سه‌ر کورته‌ غه‌زه‌ڵێکی نالی که‌ تا ئێستا ئاوڕێکی ئه‌وتۆی لێنه‌درابۆوه‌: " بیدی مه‌جنوونه‌ وجوودم له‌ هه‌موو به‌ر به‌رییه‌.." ، به‌راوه‌ردێکی روانگه‌ی ئیمانۆئێل کانت و نالی بکه‌م له‌ بواری جوانناسی دا...

باوه‌کوو له‌لایه‌ن زۆربه‌ی به‌شداربووانه‌وه‌ وتاره‌که‌ به‌ وتارێکی نوێ و به‌پیز ده‌هاته ئه‌ژمار به‌ڵام به‌داخه‌وه‌ ئاستی تێگه‌یشتنی دانیشتوان نه‌گه‌یشته‌ هیچ مناقشه‌ و شرۆڤه‌کردنێکی باسه‌که‌ و زۆربه‌ی باسه‌کان له‌ ته‌نگه‌ڵانی کات و شوێنی له‌دایک بوون و که‌سایه‌تی خودی نووسه‌ر و حه‌بیبه‌(!!) تێنه‌په‌ڕی. ...

ئه‌مه‌ش راپۆرتی گشتی دانیشتنه‌کان له‌ کوردستان نێت ه‌وه‌ به‌ PDF

http://kurdistannet.biz/2006/7-2006/8-7/tashirbmene.pdf

http://kurdistannet.biz/2006/7-2006/5-7/nali.pdf