http://suzeni.blogfa.com

دوای ۸ ساڵ

نازانم به‌ چ هۆکارێک)!!( به‌ڵام به‌داخه‌وه‌ دوای ۸ساڵ ئه‌زموونی وێبلۆگنووسی له‌ شێعره‌ساتی۱ و ۲دا ده‌ستی ره‌شێک له‌ناکاو دایه‌ به‌ر ره‌شه‌بای نه‌کرانه‌وه‌ و ئێستا ده‌مهه‌وێ بێمه‌وه‌ نووک. هاتنه‌وه‌ نووک بۆ ته‌مه‌نی ۵۰ به‌ باڵا ره‌نگه‌ سه‌خت بێ، به‌ڵام چار چیه‌؟ هاتووینه‌ته‌وه‌ نووک ئیتر ر ر

بۆ دیتنی بابه‌تی نوێ تکایه‌ ئه‌م ناونیشانه‌تان له‌ بیر بێ؛ http://suzeni.blogfa.com/

شار 6

به‌ عینجه‌ و فینجه‌وه‌ چ شار

(سێکس نا6)

شارتان ده‌نا به‌ "سه‌رته‌وه"(!!)‌

بانتان ده‌برده‌ تارانێ گوڵێ تارانێ

به‌ دووکه‌ڵی کاکێشان به‌شانی ژن و پیاو پێکه‌وه‌ن له‌ پاساهاها

منیش ش ش شینه‌ شین کچێ له‌ده‌وری قه‌دته‌وه‌ که‌ڵه‌شێر ده‌هات و شیری ده‌شکان

- چ شه‌کان شه‌کانێکته‌ بڵحه‌گیان مه‌که‌ ر که‌ره‌ ئیتر چی بڵێم

- وه‌رناگێڕدرێ "توو" ده‌یان و "ده‌س" زێده‌تر مانای هه‌یه‌(من مه‌دلوولی هه‌موو "دال"ه‌کانی پێشووم GU نه‌بێ)

- به‌توونی بیبار نا ته‌ته‌ر له‌هه‌مان نه‌واده‌ی مه‌غوول بوون و شارشارێنیان کرد تا ئێره‌ و له‌وێوه‌ تا ره‌شه‌کوژیی چی ئاڵ و گۆڕی کولتووریی نا(.) <.>

چاوی له‌شیشه‌ ره‌شتر بوو و بۆ و بۆگه‌ن و لێم تێک چوو مه‌به‌ستم مێژوو بوو

شێعره‌سات ده‌یگوت مێژووج جیڕه‌جیڕی له‌ شار به‌ عینجه‌وه‌ تره‌ له‌ فینجه‌ی تۆ نازێ

نازه‌ناز ناز مه‌که‌ به‌ نازا شێعرم پێ نا، دێ شارتره‌ له‌ ما شین شینه‌ شین

ئاوێنه‌یه‌ک ده‌نێمه‌ به‌ر ئه‌وێت با بێ به‌ دوان دن و رابواردن جیاوازن

ئاوێنه‌ جیوه‌ جیوی دێ و من به‌ ئه‌وه‌نده‌یی جیوه‌تا ره‌ق ده‌بووم و ته‌ق ده‌بووی و

مه‌ڕ و سه‌باره‌ت به‌چی گه‌نه‌ کوجا..

هیچن نا هیچێن چ جیاوازه‌ بۆم نایه‌ته‌وه‌ "تیره‌و ده‌ر چووه‌ له‌ 60" و هه‌ر 20 یت

هه‌ر با ده‌خۆم و شار ئه‌ڵێمه‌وه‌ تا سه‌رما

سه‌ر به‌ هیچ و ئاوێنه‌ تا ته‌ریقه‌تی جیوه‌ نا مل

من به‌ تینوو ئه‌ژیم و تۆ ئاوییت

تا مه‌زرۆ به‌ هوتێله‌وه‌ یه‌ک شه‌و

تۆ بای بده‌یته‌وه‌ به‌ پشتا و من بکۆکم له‌تۆدا به‌ بارانه‌وه‌

تا چۆڵه‌کانی پشت ئاوێنه‌ و سینگ و جیوه‌

چ به‌رده‌ به‌ردێکته‌ ئه‌ی هه‌را

شه‌قامی چی؟

به‌هه‌رچی شاره‌وه‌ ماسیوه‌ و ماسییش له‌ تۆ خزتر نیه‌ به‌ناز

به‌وێته‌وه‌ چ ئاوێنه‌ چۆله‌که‌ بێ چ جیوه‌ جیوی ماچه‌که‌ت هه‌رگێز نه‌زێته‌ سه‌رته‌وه‌

شه‌قام به‌ شینه‌وه‌ مه‌که‌ به‌ رێت و توون

تۆ که‌ به‌ بانه‌بانه‌وه‌ ده‌چیته‌ شاره‌ شاری ئه‌و

به‌ هرچی له‌رزه‌ له‌رزی سێوته‌وه‌ ومم

شار ده‌وه‌ڕێ و هات و هووت به‌ زمان ده‌کا

کوڕانی دارئێعدام ده‌کا.. کچانی شار ئه‌دا به‌ هه‌رچی ئاسنه‌ و هوتێل و با ا ا

که‌وێ له‌ دووره‌وه‌ تری به‌ مه‌ڕ ده‌ڵێم

دوانیان کرد‌ به‌ مقاشه‌وه‌

سیانیان دا به‌ جاڕێ جارجاره‌ش ئه‌مگرن ن ن چ تووره‌ن ن ن باوکه‌ ڕۆ ن زۆر چه‌وره

خراپه‌ بۆ دڵی شێعره‌که‌م مێعری دێ

ئه‌زانێ وێڵی چی؟ شێعریوه‌ و شه‌قامی ساویوه‌ به‌ ساردا .. خوێن ده‌ڕژێ و هاژه‌ی دێ له‌ گه‌نجا گۆره‌پان و سیگاری تیر ر ر ر مه‌هێڵن لێڵی که‌ن لێڵاوی هه‌ناسه‌ی زیندوه‌کان

شارتان دێ به‌ عینجه‌ و فینجه‌وه‌ و تابلۆکه‌ی لێ لاده‌ن سووره‌ سوور‌

شار هه‌ر دێ و منیش هه‌ر با ده‌ڵێمه‌وه‌ و هیچ ئه‌ڵێمه‌وه‌ با نه‌مخۆن ن قه‌رزار و به‌رده‌وامم و هه‌رچی به‌ باڵاتا رشامه‌وه‌ شێعره‌ و تۆ هه‌ ر به‌ مێعری بزانه‌ نه‌فام ان یاساته‌ و قۆڕه‌قۆڕ بێ سه‌واد

قه‌واره‌ و شتی وا یانی قورت و نیویشت دوو باقییه‌ و نازانی

گڤه‌ی زمان به‌ تۆوه‌ خۆشتره‌ ناحاڵی

که‌ ترازا ده‌ترازێ و تا هه‌تایه‌ ده‌روا و ده‌زمانێ لێسه‌ لێس دووزمان زه‌مانه‌ ناناسێ زه‌مه‌ن با زێڕه‌ی بێ به‌ زێ و زااا

به‌م زمانمان تێکه‌ڵ و پێکه‌ڵه‌ زۆله‌ زۆل ئه‌ترسم بمگرن بۆ نایێ

که‌رێکبه‌ ده‌وری سه‌ریه‌وه‌ .. ده‌فڕی (...) و منیش شیتترترینتر له‌ تر ساعیر(ش)

ئه‌ترسای بتگرنبۆمنکه‌پێشترگیرابوومبۆتۆ

- که‌ره‌که‌ر که‌ڕه‌ که‌ره‌ی چی با بای بێ و نه‌یێ هه‌ر ده‌تکه‌م به‌ شیر و شیربرینجی ماشی سه‌رمه‌وه‌

(ئاهوو) هه‌ر مه‌ڕێکه‌ به‌ حینجه‌ و زینجه‌وه

- ‌ عه‌یب نه‌بێ وا مه‌ڵی عینجه‌ وا نانووسرێ و فینجه‌ کوا زێی هه‌یه‌ چه‌تیو

- باسی که‌ڵت ده‌کرد و تیکه‌ڵبوویت

- تێکه‌ تێکه‌ گه‌مه‌یه‌ک بوو بۆ تێهه‌ڵدانی هه‌موومان به‌ ده‌ست خۆمانخوارد ئیتر تا که‌ی؟

قه‌شه‌ی چی حه‌وه‌زی! (ع) ماسه‌ ماس نه‌ ترشه‌و نه‌ هیچێ.. مه‌یجاوه‌ حاباکه‌م(ع) مڵچه‌ت دێ

شارێکه‌ و رێ ناداهیچ بڵێم؛ شاری چی شاحه‌باس دوو ددانی دانابوو و هه‌ردووکیان بوون به‌ دان بۆ ئێمه‌ی نه‌گبه‌تی خه‌ڵکی شار

- مامووریش تا هه‌تایه‌ که‌م "بوون یان نه‌بوون کێشه‌که‌ ئه‌وه‌یه"‌ مه‌سحه‌ره‌(خ) دان یان نه‌دانی چی؟ به‌ په‌نای چاوته‌وه‌ ده‌بیستی و له‌ گۆشه‌ی گوێته‌وه‌ ده‌بینی که‌ که‌س هیچ نابینێ و بابیشی گه‌لێ زاڵمینه‌

- نامداته‌ کوڕه‌شارییان ئه‌ڵی وان زۆر دووره‌

- "ده‌ستی خۆ به‌ کیژان" سارد ده‌که‌نه‌وه‌ نا گه‌رم

- که‌نتئه‌که‌م هاا دار مه‌که‌ به‌مارا و کونی چی له‌ شارا به‌e mail

- Kwre cyran myzm di u Sharysh zor shewe u bawkm bzani detgi ha

- ئه‌وانه‌ نازنم ئه‌وه‌م دێ و ئه‌ترسم تۆ هه‌رچی ئالۆشه‌ شینم که‌! شینی چی کیژۆلان هه‌ڵه‌م کرد.. ئه‌وه‌ی تر باوکیشت ده‌زانێ به‌ توون و ته‌ته‌ر و ئه‌وه‌ی تر مه‌عوول نا(غ)

به‌ دووکه‌ڵی کاکێشان به‌شانی کچ و کوڕ چ خۆشه‌ پێکه‌وه‌ن له‌ پاساهاها

شارمان ده‌برده‌ بان و ده‌م له‌ ناو ده‌م بی و ڕان بێ له‌ سه‌ر پا نتر ده‌ترسم بمگرنمان

- شاری چی بڵێ گووی سه‌گ به‌ هه‌رچی مێترۆپۆلیس س س

- عینجه‌ی دێ برا فینجه‌ی دێ.. ده‌نگی پاوانه‌کانی(صدای زنجیر میومد) با نه‌ڵێن دزیوته‌(شاملوو) تۆ بڵێ شاری چی!

- ......

- ....

- ..

- ؟

روون نه‌ کردنه‌وه‌یه‌ک

به‌رێزان؛ مه‌ولانا جه‌ماله‌ددین،گزینگ،کاک عه‌لی(گریمانه‌) گیان! دۆستانی به‌ڕێزی خوێنه‌ری "پێشه‌نگ"وێبلۆگی رێزدار یوونس ره‌زایی(شاعیری نویترخوازیی کورد) !
خوشحاڵم له‌وه‌ی به‌ گرینگی دان و خوێندنه‌وه‌ی "به‌ عینجه‌ و فینجه‌وه‌..."رای خۆتان ده‌رده‌بڕن، چێژتان لێ وه‌رگرتوه‌ یان "عه‌سه‌بی"(به‌فه‌رمایشی کاک هه‌رمان) بوونه‌.. لێی تێگه‌یشتوون یان لێتان بووه‌ به‌ شێر(به‌ فه‌رمووده‌ی کاک عه‌لی)مۆسیقاتان تێدا دیوه‌ته‌وه‌ یان نه‌دیوه‌ته‌وه‌(به‌ نووسینی کاک ئه‌نوه‌ر"نوخته‌" و ...... به‌ر له‌وه‌ی وه‌ڵامی پرسیاره‌کان بده‌مه‌وه‌ ئه‌مه‌وێ له‌ یاداشتێکی به‌رێز "ره‌سووڵ سۆفی سوڵتانی"یه‌وه‌ ده‌ست پێبکه‌م که‌ ئه‌و چه‌شنه‌ ده‌قانه‌ ده‌شوبهێنێ به‌ "مشتێکی قووچاوی شووشه‌یی"‌. ئه‌و به‌ڕێزه‌ لای وایه‌ شێعری که‌سانێکی وه‌ک ئێمه‌، پێشتر تیۆریزه‌کراوه‌ و که‌لێنه‌کانی پڕکراونه‌ته‌وه‌ و راز و ره‌مزی نه‌ماوه‌ و به‌ "گوناح" و به‌ستزمانمان ده‌زانێ، واته‌ شێعر و به‌رهه‌می ئێمه‌ له‌به‌ر ئه‌وه‌ی پیشتر زۆرمان له‌سه‌ر نووسیوه‌ ئیتر چێژ به‌خش نین و تاد..
کاک عه‌لی و هه‌نێ له‌ دۆستانی دیکه‌ش لایان وایه‌ شێعری وایان له‌ دنیا(!!)دا نه‌دیوه‌ و دڵنیایشن که‌ قه‌ت نایبینن و لێی تێناگه‌ن.. من نازانم له‌م ناوه‌دا قسه‌ی کامیان راسته‌.. ئه‌وه‌نده‌ ده‌ڵێم که‌ شێعری سه‌رده‌م ده‌بێ شێعری سه‌رده‌می خۆی بێ. دڵی کاک ره‌سووڵ ناشکێنم و شێعره‌که‌ شی ناکه‌مه‌وه‌، به‌س ده‌ڵێـم شێعری شه‌له‌م شۆربا(به‌ گوته‌ی شاملوو؛ "شترگاو پلنگ") هی سه‌رده‌می "شه‌له‌م شۆرباو" ه‌
هیچ که‌س له‌ شێعری دادایی ناگات ئه‌گه‌ر بێت و چاو له‌ دۆخی سازبوونی دادائیسم نه‌کا..
به‌ڕێز کاک عه‌لی ده‌فه‌رمێ:" من به‌رده‌وام له‌گه‌ڵ ئه‌ده‌بیاتی ڕۆژی جیهان پێوه‌ندیم هه‌یه‌ به‌ڵام له‌ چه‌شنی شێعری کاک ساڵه‌م نه‌دیوه‌ و بڕوام وایه‌ هه‌رگیز ناشی بینم!" دڵنیام راست ناکا یان گه‌وره‌ی ده‌کاته‌وه‌! ئه‌گه‌ر کاک عه‌لی ئاشنای سوریالیسم و ئوتۆمات نووسی بوایه‌، ئه‌گه‌ر سرکێتی و سێڵاوی هۆشی بناسیبایه‌، ئه‌گه‌ر ئاگای له‌ جیاوازیی تاک ده‌نگی و چه‌ند ده‌نگی ده‌ق بوایه‌، ئه‌گه‌ر شاره‌زای مۆسیقای ده‌روونی و ده‌ره‌کی شێعر‌ بوایه‌، ئه‌گه‌ر گه‌مه‌ و کارکردی زمانیی ده‌رک بکردایه‌، ئه‌گه‌ر ئاگاداری ده‌رچوون له‌ نۆرمی زمانی باو بوایه‌، ئه‌گه‌ر ئاشنای زمانی به‌ده‌سه‌ڵات بووی پیاوانه‌ و ده‌نگی زمانشکێنی ژنانه‌ بوویایه‌ و ده‌یان ئه‌گه‌ری دیکه‌.. دڵنیام به‌ چاوێکی دیکه‌ له‌ عینجه‌ و فینجه‌ی ده‌روانی و .. به‌داخه‌وه‌ دۆخه‌که‌ وانیه‌ که‌ زێده‌تر له‌ "به‌ عینجه‌ و فینجه‌وه‌.." بکۆڵمه‌وه‌ به‌س ده‌ڵێم؛ کابرا سه‌عاتێک بوو دانیشتبوو .. خۆی گه‌رم کردبۆوه‌ و به‌س داوای چایه‌کی کردبوو و ئه‌ویش مێشێکی تێ که‌وتبوو... له‌ کابرای قاوه‌چی تووڕه‌ ببوو که‌ بۆچی، مێش له‌ چاییه‌که‌یدا سه‌ما ده‌کا.. کابرای قاوه‌چیش ده‌ڵێ: کاکی برا قڕانێکت داوه‌، کاتژمێرێکه‌ دانیشتوویت و ئه‌تهه‌وێ له‌ناو چاییه‌که‌تدا "مادۆنا" سه‌ما بکا؟ به‌ڕێزان سه‌رده‌می شه‌له‌م شۆربا به‌س سێعری شه‌له‌م شۆربای لێده‌وه‌شێته‌وه‌(ئه‌گه‌ر به‌و چه‌شنه‌ ده‌یبینی کۆمه‌ڵایه‌تیانه‌ له‌ ده‌ق ده‌ڕوانی) ئه‌گه‌رنا دڵنیام ئه‌و‌ که‌سه‌ی ئاشنای خوێندنه‌وه‌ نوێیه‌کانی سه‌رده‌م بێت، ده‌زانێ که‌ پێویست ناکا له‌ عینجه‌ و فینجه‌ی شێعری سه‌رده‌م بگا... بۆ وه‌ی شته‌کان به‌ عینجه‌وفینجه‌ی تایبه‌ته‌وه‌ ده‌نوێنریته‌وه‌. ، / <.> // (>) (<) {/}. ][{{.،}}] تێگه‌یشتن؟له‌ کاک یوونسیش مه‌گرن‌ به‌ ئیراد! ئه‌و له‌مێژه‌ یه‌کێ له‌ ئاڵا هه‌ڵگرانی نوێخواییه‌ و دڵنیام وه‌ک ئێوه‌ له‌ عینجه‌ و فینجه‌ی شێعری ئه‌مڕۆ ناڕوانێ

له‌ سه‌ر ئیزنی به‌ڕێز یوونس ره‌زایی، کامێنته‌کانی پێشه‌نگ لێره‌دا ده‌هێنمه‌وه‌

نویسنده: شاعیرانه‌
شنبه 18 دی1389 ساعت: 2:14
سڵاو رێز بۆ کاک ساڵه‌ی خۆشه‌ویست،زیاتر له‌ ده‌ جارم ئه‌م شێعره‌ خوێنده‌وه‌ و هیچ په‌یوه‌ندییه‌کم له‌ گه‌ڵی نه‌گرت؟له‌ هه‌موو بوارێکه‌وه‌ بۆم روانی به‌ هیچ نه‌گه‌یشتم؟خۆزگه‌ کاک ساڵه‌ لێدوانێکی کورتی له‌ سه‌ر ئه‌م چه‌شنه‌ شێعره‌ که‌ بۆ جاری سێهه‌م بڵاوی ده‌کاته‌وه‌ بوایه‌؟به‌ راستی هیچ لێ تێنه‌گه‌یشتم؟؟؟؟؟؟؟؟؟له‌ گه‌ڵ رێز و حورمه‌ت بۆ کاک ساڵه‌ی به‌ڕێز جاری وایه‌ دووشکم له‌وه‌ی که‌ کاک ساڵه‌ شێعری نووسیبێ، واته‌ ره‌نگه‌ خۆی مه‌به‌ستێکی که‌ی بێ؟
وب سایت
نویسنده: حه‌مه‌ساڵه‌
یکشنبه 19 دی1389 ساعت: 11:39
شاعیرانه‌ گیان، ده‌ستت خۆش بێ، زۆر جار شاعیر به‌راستی مه‌به‌ستی ئه‌وه‌ نیه‌ شتێ بڵێ، به‌ڵکوو ئه‌یهه‌وێ له‌ هه‌نێ ده‌ره‌تانی دیکه‌ی زمان که‌ڵک وه‌رگرێ و ئه‌گه‌ر بتوانێ، گه‌مه‌یه‌کی دیکه‌ ساز بکا، مۆسیقایه‌کی دیکه‌ بنوێنێ یان هه‌ر خۆی تاقی بکاته‌وه‌ بزانێ ده‌توانێ بنووسێ و هیچ نه‌ڵێ...

نویسنده: rozhhalabjay
دوشنبه 20 دی1389 ساعت: 2:28
خۆزگه‌ كاك ساڵح شيعرى نه‌ده‌نووسى هه‌ر چه‌نده‌ئه‌مرۆ شيعر كۆتايى به‌وه‌هێناوه‌بۆ هه‌موو كةسێك بێ و هه‌موو كةس چێژی لێوه‌ر بگرێ ...هه‌رچه‌نده ‌وه‌زيفه‌ى شيعر ى ئةمرۆ له‌دياره‌كانةوه ‌ده‌ڕۆين بۆ نادياره‌كان به‌ڵام زۆربه‌مان غه‌در له‌شيعر ده‌كه‌ين غه‌در كردنيش له‌شيعر يه‌كێكه ‌له‌قه‌يرانه‌ گه‌وركانى ئه‌مڕۆ كه ‌شيعرى كوردى به‌ده‌ستييه‌وه ‌ده‌ناڵێنێت له‌گه‌ل رێزو حورمه‌تم بؤ كاک ساڵح سووزه‌نى....
نویسنده: تاهیر
دوشنبه 20 دی1389 ساعت: 23:27
ئه‌وه‌ی راستی بێت من له‌و قسانه‌ی ئه‌و خانمه‌ تێنه‌گه‌یشتم. کاک ساڵح خه‌ریکی تاقی کردنه‌وه‌ی زه‌رفیه‌ته‌کانی زمانی یه‌.جا جاری وایه‌ ئه‌و تاقیکاری یه‌ چیژ به‌خشه‌ و جاری واشه‌ تاقیکردنه‌وه‌یه‌که‌ بۆ دیار خستنی به‌شێک له‌ تواناییه‌ نوێیه‌کانی زمان. به‌ڵام نووسینه‌کانی ئه‌و خانمه‌ که‌ هه‌ر له‌و ماڵه‌دا بڵاو کراونه‌ته‌وه‌ ئه‌و غه‌دره‌ی پیوه‌ دیاره‌. هه‌م مانا و هه‌م پێکهاته‌ی شێعره‌کانی.
نویسنده: حه‌مه‌ساڵه‌
سه شنبه 21 دی1389 ساعت: 15:8
به‌ڕۆژ گیان سڵام! خۆشحاڵم به‌وه‌ی کامێنتێکت له‌سه‌ر "شته‌که‌م" داناوه‌. منیش زۆر جار هه‌وڵ ئه‌ده‌م شێعر نه‌نووسم به‌ڵام شته‌کان له‌کۆڵم نابنه‌وه‌ و زۆرجاران ئه‌و شتانه‌م لێ ده‌قه‌ومێ... دیسانه‌وه‌ هه‌وڵ ئه‌ده‌م نه‌نووسم.. به‌ چاوان!به‌رێز کاک تاهیر زۆر خۆشحاڵ بووم له‌وه‌ی که‌ لانی که‌م به‌رده‌نگێکم بۆ هه‌نێ له‌ نووسراوه‌کانی خۆم دیته‌وه‌.. ده‌ستت خۆش بێ و چاوه‌ڕوانێ ره‌خنه‌کانی به‌ڕێزتانم له‌ سه‌ر هه‌موو نووسراوه‌کانم.
نویسنده: هه‌رمان
سه شنبه 21 دی1389 ساعت: 19:38
ئه‌و قسه‌یه‌ی کاک ساڵه ناتوانێ منی خوێنه‌ر قانع بکات... شێعری کوردی له کام قۆناغ دا ده‌ژی؟ ئاخۆ دیسان بۆ هێنانه‌وه‌ی پاساوی ئه‌وه‌ی که شێعره‌که‌مان لایه‌نی خوێنه‌ر ڕازی ناکات یان ناتوانێ له‌و وه‌زعییه‌ته خۆی ده‌رباز بکات دروسته بڵێین بۆ دڵی خۆم ده‌نووسم یان له هه‌ندێک ده‌ره‌تانی زمانی و کایه‌ی زمانی که‌ڵک وه‌رده‌گرم؟!ڕای من ئه‌وه‌یه پاش ئه‌و شه‌پۆله‌ی له‌م چه‌ند ساڵه‌ی دوایی دا له شێعری کوردی ساز بووه و کاک ساڵه خۆی یه‌کێک له‌م که‌سانه‌یه که به ڕاستی حزووری هه‌بووه و کاریگه‌ری داناوه حه‌یفه به‌و وشه شیرینانه به‌م شێوه‌یه کایه بکرێ!من به هیچ شێوه‌یه‌ک نه پێوه‌ندیم ده‌گه‌ڵ ئه‌م شێعره گرت نه پێم وا بوو شتێکی تازه‌یه، ته‌نیا بڕێکی عه‌سه‌بی کردم و هیچ...
وب سایت
نویسنده: رۆژ هه‌ڵه‌بجه‌یی
سه شنبه 21 دی1389 ساعت: 20:25
هةميشه‌له‌ تێنه‌گیشتنه‌وه‌ ده‌كه‌وينه ناو گرفتةكان.... براى ئه‌زيزم هه‌رگيز تۆ له‌من ناگه‌ى تۆ هه‌ركاتيك زمانى كوردى باش فير بووى له‌منيش ده‌گه‌ى! مه‌به‌ستم له‌شيعر نه‌نووسينى كاك حه‌مه‌ساڵح ئه‌وه‌نييه‌ شوێنى ئه‌و كه‌م بكه‌مه‌وه ‌له‌بوارى ئه‌ده‌بى كوردى .... ئيمه‌ى كورد يه‌ك حه‌مه‌ساڵح سوزه‌نيمان هه‌يه ‌شانازى پێوه‌ده‌كه‌ين كه پياوێكى وامان هه‌يه‌... به‌ڵام جوانتره ‌هه‌ر ره‌خنه‌ به‌پيزه‌كانى بنووسێ چونكه‌ ره‌خنه، ‌شيعرى باش و خراب له‌يه‌كترى جيا ده‌كاته‌وه ‌هه‌ر ره‌خنه‌ش شاعير دروست ده‌كات جارێكى تر رێز و خۆشةويستيم بۆ كاك حةمه‌ساڵح سوزه‌نى هيوادارم لێم بگا......
نویسنده: رێبوار
سه شنبه 21 دی1389 ساعت: 23:59
به‌ڕیز کاک .... به‌ داخه‌وه‌م ئه‌گه‌ر عه‌رزت بکه‌م ئه‌و شێوه‌ شێعره‌ که‌ بۆ یه‌که‌مجار کاک سالح نووسیونی و تا ئێستا له‌ زمانی کوردی دا که‌س خۆی له‌قه‌ره‌ نه‌داوه‌ له‌ ئاستی جیهانی دا هاوشێوه‌ی هه‌یه‌. ئه‌وه‌ی که‌ جه‌نابت پێت خۆش نه‌بووه‌ یان به‌ واته‌یه‌کی راستت تر پێوه‌ندیت له‌گه‌ڵ نه‌گرتووه‌ ده‌گه‌ڕێته‌وه‌ سه‌ر ئه‌و پاشخانه‌ تیوریکی یه‌ی جه‌نابت له‌ شیعرت هه‌یه‌ که‌ له‌و جۆره‌ شێعره‌ی نه‌گرتۆته‌ خۆ. ئه‌وه‌ش نه‌ بۆ جه‌نابت وه‌ک خه‌سار ده‌ناسرێ نه‌ بۆ کاک سالح. جه‌نابت ئه‌گه‌ر ئاگاداری شێعری که‌سانی وه‌ک ئالێن گینزبێرگ و تامس هاردی و ئادری لێردرت بوایه‌ی بێ گومان ئه‌و رایه‌ت نه‌ده‌بوو. واته‌ ئه‌گه‌ر بنه‌ماکانی بیری شیعری جه‌نابت به‌و چه‌شنه‌ شێعره‌ که‌ به‌ شێعری (عصیان) ناودێر کراوه ‌زاخاو درابا وات نه‌ده‌کوت. ئه‌و شیعره‌ شێعرێکه‌ که‌ ده‌یهه‌وێ هه‌موو شتێک و هێچ شتێک بڵێ. جاری وایه‌ ده‌یهه‌وی ته‌نیا وێران بکا. کایه‌ بکا. بزۆز بێ تا راده‌ی مردن.و... به‌ هه‌ر حاڵ به‌و شێوه‌ نووسین له‌ سه‌ر ئه‌زموونێکی سی ساڵه‌ بۆ جه‌نابت که‌ ره‌نگه‌ له‌ سه‌ره‌تای رێ دابی که‌مێک به‌ رای من زوڵمه‌.. زوڵمه‌ له‌ خۆت نه‌ک له‌ کاک سالح ..جودا له‌وه‌ش ئه‌گه‌ر وای دانێین جه‌نابت پێوه‌ندیشت پێوه‌ نه‌گرتبێ ده‌قی ئه‌ده‌بی فۆڕمۆڵی شیمی نییه‌ هه‌موو که‌س ئاکامێکی لێ به‌ ده‌ست بێنێ.هه‌ر که‌س به‌ جۆرێک و لایه‌نێکی پێ سه‌رنج راکێشه‌ که‌ لێره‌ دا جه‌ساره‌ت زمانی شاعیر و ته‌نانه‌ت جه‌ساره‌ت له‌ ده‌ربڕین دا ... سه‌رنج راکێشه‌..به‌ داوای لێبوودنه‌وه‌.
نویسنده: مه ولانا جه ماله ددین
چهارشنبه 22 دی1389 ساعت: 3:20
کاک حه مه ساله ی خوشه ویستدوای سلاو و ریز پرسیاریکم له ئیوه هه یه:دیاره ئیوه به و نوسراوه یه ده لین :"شیعر". ئه و پیداگرییه له سه ر شیعربوونی ئه و نوسراوه یه چییه؟ من ده لیم ئه و نوسراوه یه "وتاری نویتر" ه. راتان چییه؟
نویسنده: حه‌مه‌ساڵه‌
چهارشنبه 22 دی1389 ساعت: 16:2
به‌ڕێز کاک هه‌رمان! ده‌ستت خۆش بێ.. من له‌و شاعیرانه‌ نیم که‌ شێعر بۆ دڵی خۆی ده‌نووسێ.. له‌و که‌سانه‌م که‌ شێعر له‌داخی دڵی خۆی ده‌نووسێ بۆ گه‌شه‌پێدانێ ئه‌ده‌بی وڵاته‌که‌ی و نوێترکردنه‌وه‌ی ده‌قی کوردی...به‌ڕێز رۆژهه‌ڵه‌بجه‌یی، دیسانه‌وه‌ ده‌ستت خۆشبێ بۆ روونکردنه‌وه‌که‌ت. ‌ڕێزدار کاک رێبوار، خۆشحاڵ بووم له‌ خوێندنه‌وه‌کانی جه‌نابتان ، چاوه‌ڕوانی ره‌خنه‌کاریی به‌ڕێزتانم له‌سه‌ر زۆربه‌ی ده‌قه‌شێعریه‌کانی شاعیرانی نوێترخوازهیوادارم به‌رده‌وام بیت له‌ نووسین و خوێندنه‌وه‌ی چالاکانه‌ی ده‌قی کوردیدا.
وب سایت
نویسنده: گزنگ
چهارشنبه 22 دی1389 ساعت: 17:51
سلاوده ستی کاک ساله خوش بی لام وایه پره له تازه گه ری و فه زایه کی نوییه بوده ربازبوون له چه ق به ستوویی و.....به لای منه وه له کاری 99له سه تی جه ماعه تی دی سه رکه وتووتره چونکه پره له جه ساره ت و ئه مه ش حیی ته حسینه و من ئه وپه ری چیژم بردو ته م مژه که شی ته م ومژیکی ئه رخه وانی وشاعیرانه یه
وب سایت
نویسنده: گریمانه‌(عه‌لی)
پنجشنبه 23 دی1389 ساعت: 2:11
کاک یونسی به‌ڕێز هیوادارم بۆچوونه‌که‌م دابنێی تا کاک حه‌مه‌ ساڵه‌ و دۆستانی خوێنه‌ری پێشه‌نگ بیبینن. ئه‌وه‌ی ڕاستی بێت من به‌رده‌وام له‌گه‌ڵ ئه‌ده‌بیاتی ڕۆژی جیهان پێوه‌ندیم هه‌یه‌ به‌ڵام له‌ چه‌شنی شێعری کاک ساڵه‌م نه‌دیوه‌ و بڕوام وایه‌ هه‌رگیز ناشی بینم! بۆچی شاعرێک بڕیاره‌ به‌ بیانووی که‌ڵک وه‌رگرتن له‌ ره‌هه‌نده‌ زمانییه‌کان به‌و شێوه‌یه‌ له‌گه‌ڵ شێعری به‌سته‌زمان مامه‌ڵه‌ بکات! بۆ کاک ساڵه‌ دیواری له‌ دیواری شێعر کورت تر گیر نه‌هاتوه‌؟!ئێمه‌ بۆ ده‌بێ له‌ شێعری هه‌رهه‌مووی جیهان تێبگه‌ین به‌ڵام عینجه‌ و فینجه‌مان لێ ببێ به‌ شێر.هه‌رگیز نابێ ئه‌وه‌مان پێ قسه‌یه‌کی شیاو بێت که‌ تاکه‌ که‌س به‌ به‌هانه‌ی خۆ تاقی کردنه‌وه‌ هه‌رچی پێی خۆش بێت له‌ ماڵپه‌ڕێکی ئاوه‌ها پڕخوێنه‌ردا داینێت!!! ئه‌گه‌ر خۆ تاقی کردنه‌وه‌یه‌ چ باشتر ئه‌و به‌ڕێزه‌ له‌ ژووره‌که‌ی خۆیدا به‌رده‌وام خۆی تاقی کاته‌وه‌ و تا به‌ڵکوو ‌ فورم و ڕواڵه‌تێکی جوان وه‌دۆزێت و بۆ هه‌موومان و بۆ داهاتووی ئه‌ده‌بیاتی کوردی به‌ پێز و به‌که‌ڵک بێت! ئێمه‌ وه‌کوو خوێنه‌ری پێشه‌نگ هه‌رگیز ئه‌وه‌ش له‌ جه‌نابت قبووڵ ناکه‌ین کاک یونسی هێژا، که‌ به‌ به‌هانه‌ی ئه‌وه‌ کاک حه‌مه‌ساڵه‌ تاقیکاری له‌ سه‌ر زمان ده‌کات ئه‌بێ له‌و چه‌شنه‌ بابه‌ته‌ له‌و ماڵپه‌ڕه‌دا که‌ڵک وه‌رگیرێت! ده‌وترێ یه‌کێک له‌ تایبه‌تمه‌ندییه‌کانی شێعرێکی نوێ داچڵه‌کێنه‌ربوونیه‌تی یانی فۆرمێکی وه‌های بێت که‌ ته‌زوو به‌ له‌شی بیسه‌ر و خوێنه‌ردا بێنێ! ئێمه‌ له‌ عینجه‌ و فینجه‌دا به‌ غه‌یری چه‌ن ڕسته‌ و وشه‌ی ڕه‌ش هیچمان نه‌دی!!! هیوادارم کاک ساڵه‌ زویر نه‌بێت و وڵامێکی شیاوی بۆ من و بۆ هه‌موو خوێنه‌رانی دیکه‌ی پێشه‌نگ هه‌بێت!!!
.
نویسنده: ئیدریس ئه‌حمه‌د
جمعه 24 دی1389 ساعت: 0:35
به‌ڕاستی شێعری کاک ساڵه‌ به‌ قه‌ولی خۆی سه‌قیله‌ و جا نازانم هه‌موومان خێشه‌گیان بین یان ته‌نیا کاک عه‌لی حسه‌ینی که‌ هه‌ر به‌ جاڕی حاڵی بوون له‌ شێعره‌که‌ی کاک ساڵه‌شدا نه‌چوه‌. من به‌ش به‌ حاڵی خۆم توانیم تا راده‌یه‌ک نه‌ک زۆر پێوه‌ندی له‌گه‌ڵ شێعره‌که‌ی کاک ساڵه‌دا بگرم و له‌ به‌ر دڵ و زه‌ینم جوان و شێعرێکی ره‌ها و ئازاد بوو. وا بۆی ده‌چم کاکه‌ ساڵه‌ ویستبێتی به‌ره‌به‌ره‌ خۆی له‌ ئه‌وه‌ی دالی چه‌ق خوازانه‌ و سێنتراڵه‌ ببوێرێ و تواناکانی زمان به‌ که‌ڵک وه‌رگرتن له‌ ته‌رفه‌ندی فڕنافیسم(ئانارشیه‌تی زمانی) به‌ ته‌شقی خۆی بگه‌یه‌نێ. پێگه‌ی زمان هه‌تا ئه‌و جێگایه‌ سه‌ڵت بکاته‌وه‌ هه‌تا هیچ کۆت و پێوه‌نێکی باو و سه‌ره‌ڕۆ خۆ له‌ قه‌ره‌ی پانتای هات و چۆی زمان نه‌دات و له‌و دونیا به‌رین و ئاواته‌ شاره‌دا تیپی ئایدیالی زمانی بوون بخولقێنێ. سپاس بۆ داهێنانه‌که‌ی.
نویسنده: سه‌نگاوی
جمعه 24 دی1389 ساعت: 0:45
سڵاو بۆ دۆستانی رۆژهه‌ڵاتی نووسینمن ته‌نیا ئه‌توانم بڵێم به‌ داخه‌وه‌م که‌ ئێستا له‌ وڵاتی مه‌ دا شاعیر و نووسه‌ری داهێنه‌ر و ئه‌زموونگه‌ر که‌ ده‌خوڵقێنێ و ده‌نووسێ جگه‌ له‌ ئیسترێسی داهێنان و جوانگاریو تاقانه‌ نووسین ده‌بێ ترسی ئه‌مه‌شی هه‌بێت که‌ بڵه‌ی ئه‌وانه‌ی ناسینی باویان هه‌یه‌ چۆن چۆنی هه‌ڵس و که‌وت بکه‌ن.براده‌رینه‌ شاعیری داهێنه‌ر بۆ ده‌بێ بێت و بۆ ئێوه‌ی روون کاته‌وه‌ که‌ مه‌به‌ستی چی بووه‌.به‌ راستی مه‌جبوور کردنی داهێنه‌رێک به‌وه‌ی که‌ روون کردنه‌وه‌ له‌ سه‌ر داهێنانه‌که‌ی بدا له‌ کورد دا نه‌بێ نییه‌.ئایا دادییه‌کانی فه‌ڕانسه‌ وایان کرد،سوریاله‌کان وایان هه‌ڵس و که‌وت له‌گه‌ڵ کرا.پیکاسۆ که‌ هات فه‌رمانی پاسکیلێکی کرده‌ شاخی گا و وه‌ک به‌رهه‌مێکی هونه‌ری دایه‌ به‌ر نه‌زه‌ری بینه‌ران روونکردنه‌وه‌ی دا...من داواکارم ئه‌گه‌ر دڵگه‌رمی ناده‌ین با رێگر نه‌بین...دیسان رێزم قه‌بووڵ بفه‌رموون
نویسنده: گوران
پنجشنبه 23 دی1389 ساعت: 12:8
شێعری کوردی به‌ره‌و چ ئاقارێک ده‌روا خوا؟ئه‌وه‌ بۆ شێعره‌ ئه‌ی هاوار به‌ کێ بڵێم ؟گۆران له‌ کۆی تا ببینی نوه‌کانت چییان به‌و رۆڵه‌ حه‌لال زاده‌یه‌ی تۆ کرد!!!
نویسنده: شە‌ڤگەش
پنجشنبه 23 دی1389 ساعت: 19:6
سڵاو بۆ بەڕێوبەری ئەم وێبە رەنگینە و خاوەن بەرهەمەكانیوەك لایەنگرێكی شێعری چەن پرسیارێكم لە بەڕێز ئاغای سووزەنی هەیە: دیارە بەڕێزیان چەندین بەرهەمی رەخنەیی بەنرخیان هەیە كە من وەك تاكێك زۆرم كەلك لێ وەرگرتوون. بەڵام لە هیچ شوێنێك لەم نووسراوانە و بگرە ئەو تێۆریی و ئەدەبەی تاكو ئێستاش خوێندوومەتەوە نەمبیستووە كە شێعر مەیدانی وەیە كە هیچ نەڵێ یا تەنانەت لە هیچ زمانێكی دیكەدا نەمبیستووە ئەم شێوە نووسینە وەك دەرەتانێكی زمانی لە شێعردا ناوی لێ بێت و ئەوەیكە هەر تاقیكردنەوەیەك كە بریارە هەبێ بە سەر شێعردا بێت: كەوایە لێرە‌دا چارەنووسی شێعر بە كوێ دەگات؟ بەڕاستی شێعر شوێنی هەر جۆرە خۆ تاقی كردنەوەیەكە و دواتر بێی بە خوێنەر هەر لایەنێكی تر بكوتری كە :"سه‌قیله‌ ئه‌م شێعره‌ خێشه‌ گیان!"؟ئایا بەڕێزیان دوای چەندین بەرهەمی شێعری هێشتا بەو ئاكامە نەگەیشتوون كە دەتوانن یا ناتوانن؟ ئەگەر ئەمە وەك شێعری زمان پێناسە دەكری ،ئەركی زمان لە م دەقەدا چییە؟

نویسنده‌؛ ئاسۆ- نوروێژ

مامۆستا سالحی سوزه‌نی
به‌ بۆنه‌ی بۆچوونه‌کان له‌ سه‌ر شێعرێکی جه‌نابت له‌ وێبلاگه‌که‌ی مامۆستا یونسی ره‌زایی
زیاتر له‌ ده‌ ساڵه‌ له‌گه‌ڵ نووسراوه‌ و به‌رهه‌مه‌کانی جه‌نابت ئاشنایه‌تیم هه‌یه‌ و ئه‌وه‌ شانازییه‌کی یه‌کجار گه‌وره‌یه‌ بۆ من و ته‌نیا ده‌مهه‌وێ ئه‌وه‌ به‌ جه‌نابت بڵێم که‌ خۆزگه‌ دوو ته‌نیا دوو که‌سیتری توانا و لێهاتوو و زانا وه‌ک جه‌نابت له‌ ئه‌ده‌بیاتی کوردستانی ئێراندا ده‌بوون هه‌تا وه‌ک سێ‌گۆشه‌یه‌ک ئه‌ده‌بیاتان به‌ره‌و پێش بردبایه‌. به‌داخه‌وه‌ ته‌نیا یه‌ک که‌سی و زۆر ئاسته‌مه‌ که‌سێ بتوانێ ته‌نیا باری قورسی ئه‌ده‌بی نوێخوازی سه‌رده‌م بخاته‌ سه‌ر شانی. مامۆستا گیان
له‌ بۆچوونه‌کان دڵته‌نگ مه‌به‌، تێگه‌یشتن له‌ زمان و شێوازی قسه‌کردنی جه‌نابت لێهاتوویه‌کی تایبه‌تی و خوێندنه‌وه‌یه‌کی وردی ده‌وێ.

پیمان وایه‌ چوون ئێمه‌ شتێک نازانین که‌وابوو ئه‌و شته‌ هه‌ر نابێ ببێت و ئه‌گه‌ریش هه‌بێت ئه‌وه‌ هه‌ڵه‌یه‌. جا سه‌یر ئه‌وه‌یه‌ که‌ ئه‌و که‌سانه‌ خۆیان به‌ شاره‌زای ئه‌ده‌بیات و خزمی ئه‌ده‌بی جیهان ده‌زانن.

مخابن ئێمه‌ی کورد قه‌دری که‌سه‌ لێهاتووه‌کانمان نازانین و و ئاگادری ئه‌وه‌ش نین که‌ ئه‌وه‌ گه‌وره‌ترین هه‌ڵه‌ی ئێمه‌ بووه‌ به‌ درێژایی مێژوو. هیوادارم که‌ هه‌میشه‌ سه‌رکه‌وتوو و سه‌ربه‌رز بیت
نویسنده: حه‌مه‌ساڵه‌
شنبه 25 دی1389 ساعت: 13:33
به‌ڕێزان؛ کاک عه‌لی، شاعیرانه‌، مه‌ولانا گیان! سپاسی ڕا و بۆچوونه‌کانتان ده‌که‌م. به‌ڕێز کاک عه‌لی هیوادارم له‌بری وه‌رگێڕانی زۆری ده‌قی ئینگلیسی، چه‌ند جارێکی دیکه‌ "به‌ عینجه‌ و فینجه‌وه‌ چ..." بخوێنیته‌وه‌ .. دڵنیام شتێکی هه‌ر لێ هه‌ڵده‌کڕێنی.. به‌دوای شاعیری ئینگلیسیش دا مه‌گه‌ڕێ که‌ ئه‌و شێوازه‌ بدۆزیته‌وه‌ بۆ وه‌ی به‌ ئه‌نجام ناگه‌ی... تکایه‌ له‌ وه‌ڵامدانه‌وه‌کانم زویر مه‌به‌.. من جه‌نابتم زۆر خۆش ده‌وێ و به‌ مافی تۆ و زۆر که‌سی دیکه‌ش ده‌زانم که‌ چێژ له‌ شێعره‌کانم وه‌رنه‌گرن...
وب سایت
نویسنده: کاوه‌
یکشنبه 26 دی1389 ساعت: 23:29
بێ گومان شێعری به‌ (عینجه‌ و فینجه‌وه‌....)ی کاک حه‌مه‌ساڵه‌ شێعرێکی سه‌رکه‌وتوو بووه‌، ئه‌وه‌ی که‌ توانیوییه‌تی هه‌رایه‌ک ساز بکا جا به‌ هه‌موو ڕوانینه‌کانه‌وه‌ چ پۆزه‌تیو و چ نێگه‌تیو، به‌ڵگه‌ی سه‌رکه‌وتووییه‌تی. به‌ڵام ئه‌وه‌ی که‌ کاک حه‌مه‌ساڵه‌ بۆ خۆی هاتۆته‌ مه‌یدان و به‌ ئه‌ده‌بێکی ئه‌دیبانه‌ و جوان پاساو بۆ جوانی شێعره‌که‌ دێنێته‌ له‌ زێهنییه‌تی منی خوینه‌ر دا ناگونجێ، دڵنیام کاک حه‌مه‌ ساڵه‌ تێئۆری مه‌رگی نووسه‌ری قه‌بووڵه‌ و ئیزن ده‌دا به‌ خوێنه‌ر هه‌تا هه‌ڵسه‌نگاندن و ته‌ئویل له‌ سه‌ر شێعره‌که‌ی بکا، به‌ش به‌حاڵی خۆم رێز و ئیحترامێکی تایبه‌ت بۆ کاک حه‌مه‌ساڵه‌ قایلم و وه‌کوو‌ شاعیرێکی رچه‌ شکێن و داهێنه‌ر شانازی پێوه‌ ده‌که‌م و پێم وایه‌ کاک حه‌مه‌ ساڵه‌ به‌رگێکی زێڕینی به‌ ئه‌ده‌بیاتی گه‌له‌که‌مه‌وه‌ زیاد کردووه‌، هیوا دارم ئه‌و دۆستانه‌ی به‌ چاو خشاندنێکی خێرا و سه‌ر پێیی به‌ بابه‌ته‌کانی کاک حه‌مه‌ ساڵه‌ پییان وایه‌ ده‌رگای ده‌قیان به‌ سه‌ر دا ده‌کرێته‌وه‌ به‌ بۆچوونه‌کانی خۆیان دا بچنه‌وه‌ و واز له‌و جۆره‌ تێبینییانه‌ بێنن، قه‌رار وانییه‌ بابه‌تێک که‌ من لێی تێناگه‌م ناتوانێ بابه‌تێکی سه‌رکه‌وتوو بێ، ئه‌و دۆستانه‌ی پێیان وایه‌ شێعرێکی سه‌رکه‌وتوو نییه‌ یا جوان نییه‌ با له‌ سه‌ری بنووسن سه‌رده‌می یه‌کجار خوێندنه‌وه‌ و یه‌کجار تێبینی به‌ سه‌ر چووه‌ شێعری حه‌مه‌ ساڵه‌ی سووزه‌نی و یونسی ره‌زایی و زۆر یه‌ک له‌ دۆستان به‌ یه‌کجار خوێندنه‌وه‌ ناکرێ ته‌ئویلی بکه‌ی، هیوا دارم کاک حه‌مه‌ ساڵه‌ش له‌ مه‌ودوا سنووری شاعیر و خوێنه‌ر تێک نه‌به‌زینێ.

چ شار

به‌ فینجه‌ و چ شار و عینجه‌وه‌ 4 نا (5)

به‌ ده‌نگه‌وه‌ ده‌ڕۆم و شار ئه‌مخوا..

به‌ شاره‌وه‌ ده‌چم و هیچ ئه‌مبا.. به‌سم

به‌س سین نا شین وه‌ شین به‌سه‌وز ئه‌ڵێن!! ها ها

له‌ مه‌ڕ به‌ر و ده‌ست وده‌سه‌ڵات ئه‌تخۆن

سه‌باره‌ت و مه‌ڕ کوجا به‌ چی گه‌نه‌!

شار ئه ‌مان نا ئه‌م خوا(تیمساح)

به‌ هه‌موو مان چی گه‌وجه‌ باڵ و فریشته‌ و ژن ن ن

ده‌چم و ده‌م با خوا هیچ به‌سێک دێ با

شار نه‌ تۆز ئه‌ نا ده‌ کا یه‌ک ده‌کا به‌ گاااااهاها

[ من] و [من] و [من] هه‌ر {تۆ} و {تۆ} و {تۆ}ین که‌چی

"نابین به‌ ما"اااا و هه‌ر {منتۆین] شه‌رته‌ "ئه‌چم شه‌ڕ نه‌که‌م"

بمانگرن هیچ و نه‌مانگرین هه‌ر هیچ و هیچ هیچێن

هه‌چه‌ له‌ باوکت گه‌ گه‌ووادان و گه‌ووادێن و گوودین یش

هێچ نین با هیچن چ جیاوازه‌

هه‌زار سف ریش هه‌ر ده‌بنه‌ هیچ و ئه‌مه‌ مه‌نته‌قی شاره‌ شۆڕه‌بی

ئه‌تخۆن ن ن و منیش تانخۆم باشتر له‌ "ئستدلال و پێی چێوین و.. " قسه‌ی قۆڕی

سه‌رسه‌ماوه‌ر و هه‌ڵه‌م کرد؛ یانی شێعر به‌ مێعری ئێوه‌ تاڵتر و مۆسیقااااایه‌ باااا

و هیچه‌ گۆدۆ و یانی شاررررڕڕڕڕڕ به‌ سینی ناساززززێن (مست ئاوێن) یان (ش)

ناترسم هه‌زار ئه‌ونه‌تان به‌ ریشی که‌ر یان که‌ڕه‌نا و که‌رینه‌ مێژوویه‌کی که‌ڕ به‌ رێی قه‌ڵه‌و

خۆسه‌ گانێن س نا ش و ێن نا ان به‌ سه‌د شوکر و سه‌ککه‌ر و (به‌ستێن)

قۆبچه‌ی ش ینه‌که‌م خراپه‌ ببوورن نایس به‌ توون و ته‌ته‌ری رێ بین کوڕێ باسه

مێژوویه‌کی که‌ڕینه‌ که‌ره‌نا و

یان که‌ر ئه‌ترسم م م با بێ و بمبا یان نه‌م باااا ببم به‌گا وه‌ک تۆ و شوما ترخێن.. باوکم ده‌یگوت

ترخێنه‌ و کایلۆژ ناخۆشترین بوو که‌شکئاوی ده‌کوڵاند و ئه‌یداینێ..

‌تۆیش برسێتی خه‌ڵاتێکی ئه‌به‌دی بووناین.. و ئیسته‌ برسێتنائازا دیت دێ به‌ گشتمانه‌وه‌ کێ ده‌گری با ناگیرێ و کونه‌ هه‌موو تۆڕێک بۆ ئاو و ئاوێنه‌ و ترخێنه‌ و شتی وااااهاها

سه‌ر به‌ ته‌م و مه‌م به‌ده‌م و گا به‌توون ته‌ڕ به‌ که‌م و ده‌م به‌ شه‌م و کا به‌ قوون

با نه‌ڵێن له‌ شێعری کۆن ناگااان.

شاره‌ شاره‌ شار ئه‌که‌م

دایکه‌که‌م!

"ئاسۆ"ی زۆڵ ئه‌یگوت وابێژه‌..

که‌ دیت گرتی.. بیکه‌ به‌ ئه‌وه‌ی خۆت..

بیکه‌ و ئا

من به‌ شه‌رته‌وه‌ شار ئه‌گێم م م هاها ئه‌ڵێم مه‌ستییه‌و کێده‌ڵێ راستی ی؟

دنیاتان خوارد و چی ماوه‌ بیده‌ین جوێن نه‌بێ

جیهانتان (..) و چی ماوه‌ بیده‌ن ڤوون نه‌بێ (به‌ ق)

عاله‌متان شا و چی ده‌کرێ ناکرێ و هه‌ر گا ئه‌بێ(مه‌شکه‌)

مار و شار و دار و ته‌تاف ف ف ف ف ف ف و قانع هه‌مووی گوتوه‌ بۆم ناێین

شار و ش--- ار و سار و ساراماگۆی کوێری

- ئه‌مه‌ ئه‌قڵه‌و فڕی به‌ شێعره‌وه‌ نه‌ماوه‌ بیبه‌سته‌!

- به‌ شاره‌ وه‌ ده‌ڕۆم و ده‌نگ ئه‌مخواااا... (سه‌دامه‌ت)

- ئاوه‌هاا!

ئێواره‌ شێعر

ئیواره‌ شێعرێکی تایبه‌ت

کاتژمێر 4ی نیوه‌رۆی چوارشه‌ممه‌ی 10ی سه‌رماوه‌ز، ئه‌نجومه‌نی ئه‌ده‌بی هه‌ژار(له‌ زانکۆی ئازادی سه‌قز) ئێواره‌ شێعرێکی گرم و گوڕی سازکرد. ئه‌م ئێواره‌ شێعره‌ له‌ هۆڵێکی رازاوه‌ و شاعیرانه‌ی به‌ مۆمی ره‌نگاڵه‌ تیشکپرژێن ساز بوو و دوای به‌خێرهاتنی میوانان له‌لایه‌ن به‌رپرسانی زانکۆ و ئه‌نجومه‌نی ئه‌ده‌بی هه‌ژار سه‌ره‌تا خوێندکاران و مامۆستایانی زانکۆی ئازادی سه‌قز(سه‌ركه‌وت نه‌جه‌فی" به‌رپرسی ئه‌نجومه‌نی ئه‌‌ده‌بی هه‌ژار و كۆمه‌ڵێكی دیكه له خوێندكارانی زانكۆی ئازاد و ره‌زا قادربه‌یگزاده‌، كورش مه‌ولایی، جه‌ماڵ شه‌ریف ئازه‌ر و... )شێعریان پێشکه‌ش کرد و دوای پشوودانێک شاعیرانی میوان( به‌ڕێزان سه‌عید نه‌جاڕی، یوونس ره‌زایی، محمه‌د ئه‌حمه‌دی، ره‌سوول سۆفی سوڵتانی) خوێنکاران و به‌شداربوانیان شێعرباران کرد... مامۆستا ئاسۆ(سه‌عید نه‌جاڕی) به‌ چه‌ندین عه‌زه‌ڵی کوردی هۆڵه‌که‌ی هێنایه‌ زه‌لزه‌له‌ و گوتی که‌ ئێمه‌ شێر بین یان که‌روێشک چارمان نیه‌ ده‌بێ هه‌ڵێین.. یوونس چه‌ند شێعری هه‌ست بزوێنی خوێنده‌وه‌ و سامـاڵ و ره‌سووڵ نوێترین شێعره‌کانی خۆیان ئاراسته‌کرد... من بۆ یه‌که‌مجار "منتۆترین درۆ و تۆمنترین دده‌مامک"م پێشکه‌ش کرد ... دواتر له‌ دانیشتنێکی سێ قۆڵی له‌ گه‌ڵ به‌ڕیزان ئاسۆ و یوونس ره‌زایی هه‌کام له‌ روانگه‌ی خۆمانه‌وه‌، ("ئاسۆ" به‌پێی هۆگری خه‌ڵک بۆ غه‌زه‌ڵ و "یوونس" به‌پێی ره‌وتی زه‌مه‌ن و من به‌پێی بچڕانه‌کانی نیشانه‌ناسانه‌) ره‌وتی ئه‌ده‌ب و شێعری کوردیمان باس کرد..

گرینگترین تایبه‌تمه‌ندیی ئه‌م ئێواره‌ شێعره‌ داوا نه‌کردنی شێعر بوو له‌ میوانه‌کان ... ئه‌وه‌ی که‌ ساڵه‌هایه‌ من داوای ده‌که‌م و لام وایه‌ هه‌رکۆڕێکی ئه‌ده‌بی پێشتر نابێ داوا له‌ میوانه‌کانی بکا که‌ چی ده‌خوێننه‌وه‌ و شێعره‌کانیان کامانه‌ن.. شاعیران ده‌بێ خۆیان سه‌رپشک بن له‌ خوێندنه‌وه‌ی به‌رهه‌مه‌کانیاندا و .... له‌راستیدا تاقه‌ مه‌رجی من بۆ شێعرخوێندنه‌وه‌ له‌ هه‌ر کۆڕێکدا ئه‌وه‌ بووه‌ که‌ پێشتر داوای شێعرم لێ نه‌که‌ن. هیوادارم ئه‌مه‌ ببێته‌ نه‌ریتێک بۆ ئه‌نجومه‌نه‌کان که‌ ئه‌گه‌ر که‌سێک بۆ شێعرخوێندنه‌وه‌ بانگهێشت ده‌که‌ن ئه‌و ئیزنه‌شی بده‌نێ که‌ به‌پێی سه‌لیقه‌ی ئه‌وکاته‌ی خۆی شێعر بخوێنێته‌وه‌ و ناچاری نه‌که‌ن شتێک بخوێنێته‌وه‌ که‌ مانگێ پێشتر ناردوویه‌تی و به‌هه‌زار "ئه‌گه‌ر" و ئه‌مما" و.. پێیده‌ده‌نه‌وه‌ که‌ وه‌یخوێنێ.

به‌ هیوای ته‌مه‌ندرێژی و به‌رده‌وامبوونی ئه‌نجومه‌نی هه‌ژار و هه‌موو بنکه‌ ئه‌ده‌بی و هونه‌ریه‌ کوردییه‌کانی خوێندکاریی....

فستیواڵی چیرۆکی بانه‌ 2

له‌ په‌راوێزی نۆهه‌مین فستیواڵی چیرۆکی بانه‌دا

چیرۆک و چیرۆکنووسانی منداڵ له‌ نۆهه‌مین فستیواڵی چیرۆکی بانه‌دا رێزی تایبه‌تیان لێگیرا که‌ جێی پێزانینه‌. له‌ به‌شی کوردیدا' به‌بێ ناودێرکردنی پله‌ی یه‌که‌م تا سێهه‌م سێ چیرۆکی هه‌ڵبژارده‌ ده‌ستنیشان و خه‌ڵات کران؛

چیرۆکی "که‌وش ته‌ق ته‌قی" نووسینی زێنه‌ب به‌ڵه‌دی له‌ شاری ئیسلام ئاباد

چیرۆکی " کایه‌" نووسینی کاویان رۆسته‌می له‌ شاری سه‌قز

چیرۆکی "دووگمه‌ی چواره‌م" ‌نووسینی په‌ره‌ستوو که‌ریمی له‌ شاری بانه‌

له‌ به‌شی فارسیشدا به‌ بێ ده‌ستنیشانکردنی پله‌ی یه‌که‌م تا چواره‌م ئه‌م چیرۆکانه‌ وه‌ک چیرۆکی هه‌ڵبژارده‌‌ خه‌ڵات کرا؛

چیرۆکی "رویای پری" نووسینی فه‌رزانه‌ میرزاخانی له‌ شاری "هه‌فشجان"(پارێزگای چهارمحال بختیاری)

چیرۆکی "آقا حسن من" نووسینی جواد میرزایی له‌ شاری مه‌لایه‌ر(پارێزگای هه‌مه‌دان)

چیرۆکی "بابا" نووسینی سپیده‌ ئازاد له‌ شاری شهرکیان (پارێزگای چهار محال بختیاری)

چیرۆکی " درخت بادام" نووسینی زهرا میرزایی له‌ شاری رزن (پارێزگای هه‌مه‌دان)

له‌ به‌شی وتاردا فستیواڵی نۆهه‌م ده‌وڵه‌مه‌ند نه‌بوو و ... هه‌ر چه‌ند چه‌ند وتارێک ئاراسته‌کران و ریزی تایبه‌تیشیان لێگیرا؛

وتاری "درامدی برادبیات داستان و نحوه‌ داستان نویسی" نووسینی جمیله‌ موعه‌ززه‌می(قوروه‌)

وتاری " ویژگی داستان دهه‌ هفتاد" نووسینی ئه‌عزه‌م به‌هرامی(توربه‌ت جام)

وتاری " ته‌عبیر داستان یووسف" نووسینی سندی مومنی(شیراز)

وتاری " چه‌مک و ناوه‌رۆک(!!) له‌ چیرۆکی هاوچه‌رخی کوردیدا" نووسینی عومه‌ر مه‌حه‌مه‌دی

با وه‌کوو به‌شی ره‌خنه‌ و هه‌ڵسه‌نگانی چیرۆکی فستیواڵی نۆهه‌م (به‌ رێژه‌ی فستیواڵه‌کانی پێشوو) که‌مترین ده‌رفه‌تیان هه‌بوو( هه‌ر ره‌خنه‌گرێک30خوله‌ک بۆ 12 چیرۆک) به‌ڵام زۆرترین سه‌رنجی به‌شداربوانی راکێشا؛

کاتی خوێندنه‌وه‌ی ره‌خنه‌ و هه‌ڵسه‌نگاندنه‌کانی به‌ڕێزان عه‌تا نه‌هایی و موراد ئه‌عزه‌می (هه‌رکامه‌یان له‌ سه‌ر 12چیرۆکی فارسی و کوردی) خرایه‌ دوایین ساته‌کانی شه‌وی یه‌که‌م و په‌له‌کردنی موجری به‌رنامه‌که‌ش په‌یتا په‌یتا باسه‌که‌ی ده‌پچراند

به‌ڕێز عه‌تا نه‌هایی له‌ سه‌ره‌تای قسه‌کانیدا به‌ جوانی ئه‌و چه‌شنه‌ هه‌ڵسه‌نگاندنه‌ی به‌ شۆخی و "جوکی" کۆتایی شه‌و شوبهاند و گوتی که‌ ئه‌زقه‌زا بێ "موناسه‌به‌تیش نیه‌" .. ئه‌و شه‌وه‌ من پێشنیارم کرد که‌ ده‌رفه‌ته‌که‌م بدرێ به‌ به‌ڕێز موراد ئه‌عزه‌می بۆ وه‌ی بتوانێ خوێندنه‌وه‌کانی ئاراسته‌ بکا و به‌ خۆشیه‌وه‌ پێشنیاره‌که‌یان قه‌بووڵ کرد.

بۆ به‌یانی به‌ڕێز محه‌مه‌د ره‌زا گووده‌رزی(یه‌کێک له‌ ره‌خنه‌گرانی به‌شی فارسی) له‌ گله‌ییکردن له‌ چیرۆکه‌کاندا گوتی که‌ "چێژ" له‌ ئه‌ده‌بی چیرۆکدا زۆر گرینگه‌ و چیرۆکه‌کان ئه‌و چێژه‌ی پێویست ناداته‌ خوێنه‌ران .. به‌ڕێز گووده‌رزی گوتی ئه‌گه‌ر من که‌ ساڵهایه‌ له‌گه‌ڵ چیرۆکی فارسی ده‌ژیم له‌ چیرۆکێک تێنه‌گه‌م، ده‌بێ کێ لێی تێبگات؟

له‌کاتی دیارییکراو بۆ ئه‌و دوازده‌چیرۆکه‌ی که‌ بۆ ره‌خنه‌کاری و خوێندنه‌وه‌ لای من بوون،

له‌گه‌ڵ پولێنکاری چیرۆکه‌کان به‌ چوار به‌شی چیرۆکی رووداو‌(حادثه‌)، که‌سایه‌تی، وه‌هم و خه‌یاڵ، ده‌روونناسانه‌ و به‌ کورته‌باسکردن له‌سه‌ر ئه‌و شێوازانه‌..زۆر به‌رێزه‌وه‌ وه‌ڵامی به‌ڕیز گووده‌رزیم به‌و شێوه‌یه‌دایه‌وه‌ که‌ " چێژ"ی هه‌ر بابه‌تێکی هونه‌ری پێوه‌نده‌ به‌ به‌رده‌نگه‌وه‌ و خوێنه‌رانی ئاسایی و مامناوه‌ند و چالاک، هه‌رکامه‌یان به‌پێی ده‌رک و توانا و متالا و ئاشنابوونیان له‌گه‌ڵ ره‌وتی ئه‌ده‌بی - هونه‌ری جیهانی رێژه‌ی چێژوه‌رگرتنیان له‌ چیرۆکی مودێرن و پاشمۆدێرن جیاوازه‌ و له‌ خوێنه‌رێکی ئاسایی نابێ چاوه‌ڕوانی ئه‌وه‌ بکرێ که‌ چێژ له‌ چیرۆکی ده‌روونناسی نوێ و رۆمانی نوێ و ... وه‌ربگرێ و...

به‌ڕێز محه‌مه‌دجواد جزینی ره‌خنه‌گری دیکه‌ی به‌شی فارسی له‌گه‌ڵ په‌سه‌ندکردن و جه‌ختکردنه‌سه‌ر وه‌ڵامدانه‌وه‌‌که‌ی من گوتی که‌ ئێمه‌ له‌ده‌وره‌ی تێپه‌ڕینداین به‌ره‌و جیهانی مودێرن و ئه‌وه‌ تایبه‌تمه‌ندی چیرۆکی مودێرنه‌ که‌ په‌سه‌ندی عه‌وام نیه‌ و... به‌توندی هێرشی کرده‌ سه‌ر بۆچوونه‌کانی به‌ڕێز گووده‌رزی و دواتر ده‌مه‌ته‌قێیه‌کی خۆش ساز بوو و چه‌ندده‌نگی بوونی خوێندنه‌وه‌کانی چیرۆکی به‌جوانی نواند... هه‌ر چه‌ند ئه‌و دووبه‌ڕیزه‌ خۆیان به‌و راستییه‌(!!) نه‌گه‌یشتن که‌؛ حه‌قیقه‌ته‌کان زۆرن و... ماویه‌تی

فستیواڵی چیرۆکی بانه‌

راپۆرتێکی به‌ په‌له‌؛ (1)
سێ شه‌ممه‌( 9/9/89) ‌
نۆهه‌مین فستیواڵی چیرۆکی(کوردی و فارسی) له‌ بانه‌، کۆتایی هات!

دوای سێ ساڵ هه‌وڵی بێوچانی ئه‌نجومه‌نی ئه‌ده‌بی بانه‌ بۆ رێخستنه‌وه‌ی دووباره‌ی فستیواڵی چیرۆکی بانه‌، ئه‌نجام، رۆژه‌کانی یه‌کشه‌ممه‌ تا سێ شه‌ممه‌ی سه‌رماوه‌زی ئه‌مسال نوهه‌مین فستیواڵی چیرۆکی بانه‌، به‌ به‌شداریی چیرۆکنووسانی هه‌موو پارێزگاکانی ئیران که‌وته‌وه‌ گه‌ڕ.. له‌و ماوه‌دا نیزیک به‌ 60 چیرۆکی کوردی و فارسی1 و وتارگه‌ل جیاواز ئاراسته‌ی خوێنه‌ران کرا2
ناو به‌ناو له‌ لایه‌ن ره‌خنه‌گرانه‌وه‌ ره‌خنه‌ئاراسته‌ی چیرۆکه‌کان کرا و چه‌ند جارێک ده‌رفه‌تی دیالۆگی(توند و تێژ له‌ ده‌رفه‌تێکیاندا)3 درایه‌ ئه‌ندامانی لێژنه‌ی زانستی بۆ وه‌ی راجیاوازه‌کانیش چه‌ند ده‌نگی بوونی فستیواڵه‌که‌ بنوێنن...
ئه‌نجام رای لێژنه‌ی داوه‌ران4 له‌ لایه‌ن به‌رێز موراد ئه‌عزه‌می یه‌وه‌ خوێندراه‌وه‌ و ئه‌نجامی کێ بڕکێی چیرۆکنووسانی به‌م شێوه‌یه‌ دیاری کرد؛
به‌شی کوردی؛
4- سپاسنامه‌ی لێژنه‌ی داوه‌ران درایه‌ چیرۆکگه‌ل "تراویلکه‌" نووسینی به‌ڕێزسدیق ره‌سوولی له‌ بۆکان و " حه‌یران" نووسینی به‌ڕێز مهوه‌ش خانعه‌لی زاده‌ له‌ دیوانده‌ره‌
3- خه‌ڵاتی سێهه‌می فستیواڵ درایه‌ چیرۆکی "ئای مه‌لات" نووسینی به‌ڕێز کامران جه‌باری (بیجاڕ)
2- خه‌ڵاتی دووهه‌می فستیواڵ درایه‌ چیرۆکی " ته‌نیا خه‌می گوڵه‌مێخه‌که‌کانمه‌" نووسینی به‌ڕێز چنوور سه‌عیدی (سنه‌)‌
1- خه‌ڵاتی یه‌که‌می فستیواڵ درایه‌ چیرۆکی "نۆ،نا دوو ده‌رکه‌.. نووسینی به‌ڕێز سدیق کریم پوور(بانه‌)
به‌شی فارسی؛
3- خه‌ڵاتی سێهه‌می لێژنه‌ی داوه‌ران5‎ درایه‌ چیرۆکی " برجک" نووسینی سرووش عه‌لیزاده‌(ره‌شت)
2- خه‌لاتی دووهه‌می فستیواڵ درایه‌ چیرۆکی "تیروه‌ند" نووسینی خوسره‌و عه‌باس خودلان.. (کرج)
1- خه‌ڵاتی یه‌که‌‌می فستیواڵ درایه‌ چێرۆکی " نردبان پنچ پله‌" نووسینی غوڵام ره‌زا دریکوندی.. ( خوڕه‌م ئاباد)

و.... هه‌ر وه‌ها نۆهه‌مین فستیواڵی چیرۆکی بانه‌ ریزی تایبه‌تی گرت له‌ به‌ڕیزان ره‌وف ته‌وه‌ککولی(نووسه‌ر) و عه‌تا نه‌هایی(ئه‌ده‌یب) به‌بوونه‌ی چه‌ندین ساڵ نووسینی بێوچان و خزمه‌ت به‌ ئه‌ده‌بی کوردی و....

هیوای سه‌رکه‌وتن و ته‌مه‌ن درێژیم هه‌یه‌ بۆ فستیواڵی چیرۆکی بانه‌ و به‌ڕێزانی دڵسۆزی ئه‌نجومه‌نی ئه‌ده‌بی ئه‌وشاره‌‌ و هه‌موو ئه‌و نووسه‌رانه‌ی که‌ به‌ هه‌ر له‌ونێک بۆ گه‌شه‌کردنی چیرۆکی کوردی یارمه‌تی ده‌ربوونه‌.
----
1- 35 چیرۆکی کوردی و 35 چیرۆکی فارسی بۆ خوێندنه‌وه‌ ده‌ستنیشان کرابوون، به‌ڵام به‌داخه‌وه‌ چه‌ند چیرۆکنووسێک (به‌هه‌رهۆیه‌که‌وه‌ نه‌هاتبوون یان چیرۆکه‌کانیان نه‌خوێنده‌وه‌)
2- یه‌ک له‌و وتارانه‌ به‌ زمانێکی سه‌قه‌ت په‌رژابووه‌ سه‌ر بیچم و ناوه‌ڕۆک .. هه‌ڵبه‌ت بیچم و روخسار و فۆرمی ناو نابوو "چه‌مک"!! و... به‌ڕیزانی به‌رپرسی ئه‌نجومه‌نی بانه‌ حه‌تم ده‌بێ له‌ هه‌ڵبژاردنی وتاریش دا وه‌ک چیرۆکه‌کان یارمه‌تی له‌ ره‌خنه‌گران و لێزنه‌ی زانستی فستیواڵ وه‌ربگرن و راسته‌و خۆ هیچ وتارێک بۆ خوێندنه‌وه‌ ده‌ستنیشان نه‌که‌ن .. ئه‌و کاره‌ له‌ قورسایی ئه‌ده‌بی فستیواڵه‌کان که‌م ده‌کاته‌وه‌ و ..... خۆتان ئه‌نجامه‌که‌ی ده‌زانن
3- به‌ڕیزان جواد جه‌زینی و ره‌زا گووده‌رزی (ره‌خنه‌گرانی به‌شی فارسی)کاتی هه‌ڵسه‌نگاندنی چیرۆکه‌کان، بوو به‌ ده‌مه‌قڕه‌یان و له‌وانه‌ بوو ده‌رکی ئاماده‌بوونی ئه‌وی دیکه‌مان له‌بیر به‌رنه‌وه‌ ... لایه‌نی ئه‌رێنی ئه‌و ده‌مه‌قڕه‌یه‌ ئه‌وه‌ بوو که‌ زۆربه‌ی دانیشتوانی ناو کۆڕه‌که‌ رێژه‌یی بوونی زۆربه‌ی تێۆره‌ ئه‌ده‌بی و کۆمه‌ڵایه‌تیه‌کان راسته‌وخۆ ببینن.. دواجار دێمه‌وه‌ سه‌ر ئه‌م باسه‌..
4- لێژنه‌ی داواران بریتی بوون له‌ به‌ڕێزان عه‌تا نه‌هایی، موراد ئه‌عزه‌می و یوونس ره‌زایی5- لێژنه‌ی داوارانی به‌شی فارسی بریتی بوون له‌ به‌ڕێزان؛ عه‌تا نه‌هایی، فرشته‌ توانگر، فتح الله‌ بی نیاز

5- ره‌خنه‌ گرانی به‌شی کوردی بریتی بوون له‌؛ موراد ئه‌عزه‌می، ساڵح سووزه‌نی، ناسر یه‌زدانی

6- لێژنه‌ی زانستی فستیواڵی بانه‌ بریتی بوون له‌؛ عه‌تا نه‌هایی، ساڵح سووزه‌نی، موراد ئه‌عزه‌می، رزا گوده‌رزی، ره‌زا نجه‌فی، عه‌باس عه‌بدی

هه‌ژار و شێرکۆ

ئه‌دیبان و رووناکبیران قاره‌مان نین!

به‌ بۆنه‌ی ده‌رچوونی "هه‌ژای مرۆڤ و ده‌ور و به‌ری" – نووسینی شێرکۆ هه‌ژار
ئاماده‌کردنی؛ که‌ماڵ حه‌سۆ
1- وه‌ک ئاگادارن له‌م دواییانه‌دا کتێبێکی دووبه‌رگی به‌ ناوی "هه‌ژاری مرۆڤ و ده‌وروبه‌ری" له‌ نووسینی شێرکۆ هه‌ژار بڵاو بۆته‌وه‌ به‌ گشتی هه‌ڵوێستی ئێوه‌ له‌ به‌رامبه‌ر ناواخنی ئه‌م کتێبه‌ و چۆنیه‌تی تۆمار کردنی رووداوه‌کان و چۆنیه‌تی ناساندنی که‌سایه‌تییه‌کان چۆنه‌ و لێکدانه‌وه‌تان له‌ ئاستی دا چییه‌؟
- راستییه‌که‌ی دوای هه‌ناردنی ئه‌م پرسیارانه‌ی جه‌نابتان ئه‌و کتێبانه‌م بینی و به‌ پێچه‌وانه‌ی جه‌نابت و زۆر که‌سان زۆرم پێ سه‌یر نه‌بوو.. شێرکۆ هه‌ژار خۆی له‌ پێشه‌کی کتێبه‌کانیدا ئاماژه‌ی پێده‌کا که‌ لای ئێمه‌ "چینی ناوه‌ڕاست له‌ رووی سیاسییه‌وه‌ دروست نه‌بووه‌، هیچ ئاسۆیه‌کی فه‌رهه‌نگی دیار نیه... هه‌ر بۆیه‌ نه‌یتوانیوه‌ به‌ردی بناعه‌ی هیچ فیکر و رێکخراوه‌ و نه‌زمێک ده ‌زه‌وی رۆنێ و.." ل 8 به‌رگی یه‌که‌م
دیاره‌ له‌ کۆمه‌لگای وه‌هادا خوێندنه‌وه‌ی هه‌ر دیارده‌یه‌ک یان ده‌سه‌ڵاتخوازانه‌یه‌ یان قاره‌مانخوازانه‌. من لام وایه‌ شێرکۆ ویستوویه‌ روانگه‌ی چینی ناوه‌راستیش به‌ بیانوویه‌کی باشی وه‌ک قسه‌کردن سه‌باره‌ت به‌ باوکی (که‌ هه‌م لای ده‌سه‌ڵاتخوازان ژیاوه‌ و هه‌م لای قاره‌مانخوازان "له‌پشته‌وه‌ سوار درووشکه‌ بووه‌" )وه‌ک وڵاتانی جیهانی بێنێته‌ نڤیسان...
به‌شێکی دیکه‌ی ئه‌و دوو به‌رگه‌ ده‌پرژێته‌ سه‌ر ره‌خنه‌ له‌ به‌رهه‌مه‌کانی هه‌ژار (هه‌مبانه‌ بۆرینه‌، شه‌ره‌فنامه‌ و.....) که‌راست یان هه‌ڵه‌ با مه‌به‌ستی ئه‌م وتوێژه‌ نه‌بێ! بۆ وه‌ی دڵنیام مه‌به‌ستی ئێوه‌ش نیه‌!
1- ‌وه‌ک ده‌زانن نێوه‌رۆکی به‌رگی یه‌که‌می ئه‌م کتێبه‌، له‌ دوو به‌ش پێک دێ. به‌شی یه‌که‌م ئه‌و بابه‌تانه‌ ده‌گرێته‌وه‌ که‌ ئیرجاعی راسته‌وخۆیان بۆ کتێبی "چێشتی مجێوری" مامۆستا هه‌ژار هه‌یه‌ و به‌ گشتی شتێکی تازه‌ له‌م ئیرجاعانه‌دا نییه‌. به‌لام به‌شێکی تری تۆمار کردنی هه‌ندێک رووداوان که‌ له‌ هیچ شوێنێک دا ئه‌و به‌ شێوه‌ی نووسراو و نه‌ به‌ شێوه‌ی زاره‌کی بڵاو نه‌بۆته‌وه‌ و نووسه‌ر ره‌ساله‌تی بڵاو کردنه‌وه‌ی ئه‌م باس و خواسانه‌ به‌ ئه‌رکی سه‌ر شانی خۆی ده‌زانێ. زۆربه‌ی هه‌ره‌ زۆری ئه‌و که‌سایه‌تییانه‌ی له‌م به‌شه‌دا ناویان هاتووه‌ له‌ مامۆستایان هه‌ژار و زه‌بیحی و مه‌سعوود محه‌ممه‌ده‌‌وه‌ بگره‌ هه‌تا مه‌لا شوکر و گیوی موکریانی و مه‌لا جه‌میل رۆژبه‌یانی ئێستا نه‌ماون. له‌ لایه‌کی تره‌وه‌ نووسه‌ر له‌ تۆمارکردنی زۆر رووداوی له‌ روانگه‌ی خۆی راسته‌وه‌ هیچ شاهیدێکی نییه‌ یا ئه‌گه‌ هه‌یه‌تی شاهیده‌که‌ی زیندوو نییه‌ و خۆی تاقه‌ شاهیدی رووداوه‌کان و راوی ئه‌م رووداوانه‌ و هه‌روه‌ها هه‌ندێک جار لایه‌نی هه‌ندێک له‌ کێشه‌کانیشه‌.
به‌ بروای ئێوه‌ ئه‌و شێوه‌ رووبه‌روو بوونه‌وه‌یه‌ له‌گه‌ڵ تۆمار کردنی مێژوو ده‌توانی مێتۆدێکی به‌ که‌ڵک بێت؟ ئه‌و شێوه‌ نوسینه‌ له‌ درێژ‌خایه‌ن دا چ شوێنێک له‌ سه‌ر مێژوو نووسیی کورد دا ده‌نێت.
- من لام وایه‌ ئه‌و جۆره‌ نووسینه‌ روانگه‌ی چینی ناوه‌ڕاستیش ده‌هێنێته‌ ناو مێژووی نه‌بوومانه‌وه‌. مێژوو له‌راستیدا نه‌ ئه‌وه‌یه‌ که‌ له‌ لایه‌ن میرزابنووسانی دیوه‌خانی پاشا و ده‌ره‌به‌گه‌کاندا ده‌نووسرا و نه‌ ئه‌و به‌ ئوستووره‌کردنه‌یه‌ که‌ چینی خواره‌وه‌ بۆ هه‌ڵاتن له‌ده‌ست نه‌گبه‌تیه‌کانی ژیانی خۆیان، قاره‌مانیان به‌سوار قاڵیچه‌ی هه‌ڵفڕ و ئه‌سپی باڵدار و.. له‌ هه‌موو کێشه‌کان ده‌په‌ڕانده‌وه‌ و به‌خه‌یاڵ سه‌رکه‌وتنیان وه‌ده‌ست ده‌هێناو... هیچیش. مێژووی راسته‌قینه‌ی گه‌لان ده‌بێ خوێندنه‌وه‌ و لێکدانه‌وه‌ و شرۆفه‌کردنی هه‌موو چه‌شنه‌ی نیشانه‌کانی ده‌نگی و نڤیسانی و وێنه‌یی بێ له‌ هه‌موو چین و توێژه‌کانی کۆمه‌ڵگا.
ئه‌و چه‌شنه‌ یادداشت نووسینه‌ ره‌نگه‌ دواجار بۆ ده‌روونناسی مرۆڤی کورد که‌ڵکی هه‌بێ، به‌ڵام مێژوو به‌س به‌ ره‌وایه‌ته‌کان سازنه‌بووه‌ و نابێ، کاتی خۆی مارکس ده‌یگوت که‌ره‌سه‌یه‌کی به‌رهه‌مهێنانم نیشان بده‌ن با پێتان بڵێم خه‌ڵکه‌که‌ی چۆن و که‌ی و له‌ چ دۆخێکدا ژیاون. منیش ئه‌ڵێم ده‌قێکم(زمانیی-نیشانه‌یی- وێنه‌یی)نیشان بده‌ن با بڵێم چ مێژوویه‌کتان هه‌بووه‌...
2- له‌ زۆر شوێنی ئه‌م کتێبه‌دا وا هه‌ست ده‌کرێت کێشه‌یه‌کی تاکه‌که‌سی که‌ نووسه‌ری کتێب له‌ گه‌ڵ بابی خۆی واتا مامۆستا هه‌ژار هه‌یبووه‌ له‌ سنووری خۆی نه‌ماوه‌ته‌وه‌ و یه‌کجار زۆر له‌و سنووره‌ ترازاوه‌ و نووسه‌ر وای کردووه‌ پریشکی ئه‌و کێشه‌ تاکه‌ که‌سیانه‌ زۆر که‌سی تریش بگرێته‌وه‌وه‌ و ته‌نانه‌ت هه‌ندێک جار گه‌وره‌ترین و خۆشناوترین پیاوانی مێژووی کوردیشی تێوه‌ گلاوه‌، به‌ بروای ئێوه‌ به‌ گشتی له‌ نووسینی بیره‌وه‌ری یان له‌ لێکۆلینه‌وه‌ی مێژووییدا ته‌شه‌نه‌ پێدانی رووداوێکی تاکه‌که‌سی بۆ ئاستێکی نه‌ته‌وه‌یی و تاوانبار کردنی جه‌ماعه‌تێکی زۆروزه‌به‌ند تا چ ئاستێک ده‌کرێ پشتی پێ ببه‌سترێت؟
- راسته‌ زانست، تکنۆلۆژیا، فه‌لسه‌فه‌، هونه‌ر، کۆمه‌ڵناسی و ده‌روونناسی و زۆربه‌ی...ناسییه‌کانی دیکه‌ ی جیهانی قه‌رزارباری چینی ناوه‌ڕاستی کۆمه‌لگایه‌ و ئه‌وه‌ باسێکی درێژه‌ و له‌م کورته‌ وتوێژه‌دا ناگونجێ. به‌ڵام له‌ راستیداشاعیران و ئه‌دیبان و رووناکبیران، زۆربه‌یان له‌م چینه‌ هه‌ڵکه‌وتوونه‌ و ئه‌وانیش لاوازیی و خه‌ساریی تایبه‌تی خۆیان هه‌یه‌ و بۆخۆیان به‌ چه‌ندین لق و توێژی دیکه‌ دابه‌ش ده‌بن و هه‌رکامه‌یان بۆ به‌رژه‌وه‌ندی خۆیان ده‌چنه‌ مینبه‌ر و به‌مافی خۆیانده‌زانن خوێندنه‌وه‌ی خۆیان هه‌بێ له‌سه‌ر هه‌موو دیارده‌یه‌ک، هه‌مووکه‌سایه‌تییه‌ک، هه‌موو ره‌وتێکی کۆمه‌ڵ و مێژوو و هونه‌ر و ده‌سه‌ڵات و... تاد. بۆ وێنه‌ دوای هه‌وڵه‌کانی فرۆید و لێکۆڵینه‌وه‌کانی له‌سه‌ر ده‌روونی مرۆڤ، ئاشکرای کرد که‌ هه‌ر مرۆڤێک له‌ هه‌ردۆخێکدا، له‌گه‌ل سێ لایه‌نی "من"(اید و ئێگۆ و سووپێر ئیگۆ)ی خۆیدا ده‌ژی و به‌راستی به‌س ئه‌و بوونه‌وه‌ره‌نیه‌ که‌ به‌ ڕواڵه‌ت ده‌یبینین یان خۆئه‌نوێنێ.. (بڕواننه‌ بابه‌تی دوو شووتی به‌ده‌ستێ هه‌ڵگرتن ل 116ی هه‌ژاری مرۆڤ و..) که‌وایه‌ ناسینی تاکی ناو کۆمه‌لگا، که‌ پێشتر وه‌کوو تاک به‌قه‌ده‌ر مێرووله‌یه‌کیش بایه‌خی نه‌بوو، ئیتر وه‌ک جاران هاسان نیه‌، به‌ڵام بۆ ئه‌وکه‌سانه‌ی ئاگاداریی باسه‌که‌ن، ئاساییه‌ ئه‌گه‌ر که‌ڵه‌ ئه‌دیب یان سیاسه‌توان و قاره‌مان و هه‌ر که‌سایه‌تییه‌کی دیکه‌ی ناو جه‌ماوه‌ر، رۆژی خۆی دزی و حیزی و نائازایه‌تی و ته‌نانه‌ت خیانه‌تیشی کردبێ و له‌پشته‌وه‌ سواری مایین و ماکه‌ر و درووشکه‌ بووبێ.1 هه‌ر بۆیه‌ ره‌خنه‌گرانی سه‌رده‌م له‌ خوێندنه‌وه‌کانی خۆیاندا زێده‌تر ده‌ق و به‌ڵگه‌کان ده‌پشکنن نه‌ک سه‌رگوزه‌شته‌ی که‌سایه‌تیه‌کان، گرینگ نیه‌ "گینزبۆرگ" حیز بووه‌ یان "فۆکۆ" هه‌مجنسباز و "ساد" سادیستی و هیتله‌ر و دیکتاتۆره‌کانی دیکه‌ چی و چی.. گرینگ پشکنین و چه‌ند خوێندنه‌وه‌یی و لێکدانه‌وه‌یه‌ له‌سه‌ر به‌رهه‌می ئه‌و که‌سایه‌تییانه‌ ... نه‌ک ژیانی ناو نوێن و پێوه‌ندییه‌ شه‌خسییه‌‌کانیان ... من مافی ئه‌وه‌م هه‌یه‌ به‌ دنیا بڵێم گانده‌ر و.. به‌ڵام دنیاش مافی ئه‌وه‌ی هه‌یه‌ به‌من بڵێ درۆزن. هه‌رچه‌ند له‌م به‌ خراپ و چاکه‌ باسکردنانه‌دا زۆرشت بۆ هه‌مووان روونده‌بێته‌وه‌.. بۆ وێنه‌ ئێسته‌، گرێی ئودیپی شێرکۆ سه‌باره‌ت به‌باوکی و ده‌یان گرێیتری سه‌باره‌ت به‌ "خانی" برای و دیتران له‌م کتێبه‌دا به‌پێی ده‌ق ئاشکرا ده‌بێ بێ ئه‌وه‌ی بتهه‌وێ ژیانی تاکی کاک شێرکۆ لێکبده‌یته‌وه‌... لێی مه‌ترسن له‌م چه‌شنه‌ یادداشت نووسینانه‌دا(ئێوه‌ناوتان ناوه‌ مێژوونووسی!!) نه‌ک هیچکه‌س خه‌سارێکی ئه‌وتۆی به‌رناکه‌وه‌ێ به‌ڵکوو هه‌مووکه‌س بۆی ده‌رده‌که‌وێ که‌ هیچ که‌س "موقه‌دده‌س" نیه‌!
" درۆکانی مۆقه‌دده‌س
که‌ی په‌یکه‌ری راستی
به‌ شه‌قامه‌کاندا هه‌ڵده‌واسن؟
وه‌ک "ئازادی"! بڕواننه‌ "درۆکانی موقه‌دده‌س" ساڵح سووزه‌نی
ئینجا بمانهه‌وێ و نه‌مانهه‌وێ له‌ وڵاتێکی وه‌ک وڵاتی مه‌دا(که‌ مێژووی نووسراومان نیه‌ یان که‌مه‌) ئه‌و چه‌شنه‌ گێڕانه‌وانه‌ له‌ زمانی هه‌رکه‌سێک و له‌ هه‌ر دۆخێکی کۆمه‌ڵایه‌تیدا و به‌ هه‌ر پله‌ و پایه‌یه‌که‌وه‌ ده‌بێته‌ به‌شێک له‌ مێژووی زاره‌کیمان. گرینگ چۆن خوێندنه‌وه‌ی ئه‌و یادداشگه‌له‌یه‌.. و شێرکۆ هه‌ژاریش ئه‌م نه‌ریته‌ له‌ باوکیه‌وه‌ فێربووه‌، کاتی خۆی باوکی به‌ناڕه‌وا زۆر رووداوی مێژوویی به‌ پێچه‌وانه‌ خوێنده‌وه‌( بڕواننه‌ چێشتی مجێور و گێڕانه‌وه‌کانی درۆیینه‌ی هه‌ژار له‌ چۆنیه‌تی کوژرانی سلێمان موعینی و براده‌ره‌کانی که‌ عاله‌م ئاشکرا درۆی شاخدارمان ته‌حوێڵ ئه‌دا- هه‌روه‌ها وه‌ڵامدانه‌وه‌که‌ی ‌ له‌ لایه‌ن ره‌سووڵ پیشنماز ه‌وه‌)‌
3- هه‌ندێک له‌و که‌سانه‌ی ئه‌م کتێبه‌یان خوێندۆته‌وه‌، هه‌ڵوێستی نووسه‌ری کتێبیان وه‌ک جۆرێک پیرۆزی سرینه‌وه‌ له‌ قه‌له‌م داوه‌. به‌ بروای ئێوه‌ ئایا شێوه‌ نووسینێکی له‌م ده‌سته‌ که‌ به‌ گوته‌ی خودی نووسه‌ری کتێب بۆنی کێم و بۆگه‌ن و پیسایی لێدێت ده‌کرێ له‌ خانه‌ی پیرۆزی سرینه‌وه‌دا جێگیر بکریت؟
- به‌ڵێ ده‌کرێ! من لام وایه‌ هه‌وڵی سه‌ره‌کی کاک شێرکۆ هه‌مان پیرۆزی سڕینه‌وه‌یه‌ له‌ قاره‌مانانی نه‌ته‌وه‌که‌مان. قاره‌مانگه‌لێک که‌ هیچیان بۆ سه‌ده‌ی بیست و یه‌که‌م و بۆ نه‌ته‌وه‌که‌یان به‌جی نه‌هێشت، جگه‌ شکست له‌دوای شکست و ئه‌ملاوئه‌ولا چوون و هیچ نه‌کردن و به‌ڕواڵه‌ت هه‌مووشت کردن( هه‌ڵبه‌ت هه‌نێ جار له‌ پشته‌وه‌)
به‌ڵام ئه‌بێ ئه‌وه‌شمان له‌به‌رچاو بێ ئه‌م کاره‌ به‌مانای سڕینه‌وه‌ی هیچ ئازایه‌تییه‌کی کچ و کوڕانی نه‌ته‌وه‌ نه‌بووه‌ و نیه‌، ئه‌و کوڕ و کچانه‌ی که‌، پشتیان به‌ پشتی باوکێکی باوکپه‌روه‌ره‌وه‌دا نه‌ک باوکێکی منداڵ په‌روه‌ر.. باوکێکی رێبه‌ر پیشه‌ و شوانپه‌روه‌ر، نه‌ک باوکێکی رێنسانسخواز و فره‌ره‌هه‌ند خواز. باوکانێک که‌ ده‌یان جار له‌ چاڵێک که‌وتن که‌ باوکانی پێش ئه‌وانی تێکه‌وتبوو (تکایه‌ بڕواننه‌ وتارگه‌لی "درسرزمین تابو، پدر؛ سالار یا فریب خورده‌؟ و "توسعه‌ دالی بر مدلولهای بی شمار"- نووسینی ئه‌م قه‌ڵه‌مه‌)
4- له‌ نووسینی مێژوودا زۆرجار بمانهه‌وێت یان نه‌مانهه‌وێت سنووری نێوان زه‌ینییه‌ت و عه‌ینییه‌ت ده‌شێوێندرێت، له‌وانه‌یه‌ ئه‌و عه‌ینییه‌ته‌ی له‌ زانست گه‌لی ته‌جرووبی دا هه‌یه‌ له‌ نووسینی مێژوودا ده‌ست نه‌دات به‌ڵام هه‌ندێک جار ئه‌و زه‌ینییه‌ته‌ی به‌سه‌ر گێرانه‌وه‌که‌ دا ده‌سه‌پێندرێت یه‌کجار خه‌ست و خۆڵ ده‌بێته‌وه‌. بۆ نموونه‌ نووسه‌ری کتیب له‌ شوێنێک دا ده‌نووسێت . ئه‌وه‌ یه‌که‌م ئه‌دایه‌کی کۆمێدیاییه‌ له‌ ژیانی هه‌ژاردا که‌ چێشتی مجێور باسی بکا [مه‌به‌ستی شۆخییه‌کانی هه‌ژار له‌ دیوه‌خانی قه‌ره‌نیاغای مامه‌ش، کاتێک هه‌ژار مێرمنداڵ بووه‌.] دوا ئه‌دای ده‌بێ له‌ سه‌عاتی مردنی دا بووبێ که‌ نازانم چی بووه‌."0به‌رگی یه‌که‌م ل 121)
دوا رسته‌ی ئه‌م گوته‌یه‌ به‌ دوو ده‌لیل سێبه‌ری زه‌ینییه‌تێکی خه‌ستیان به‌سه‌ره‌وه‌ دیاره‌، ده‌لیلی یه‌که‌م ئه‌وه‌یه‌ نووسه‌ر خۆی ده‌لێ نازانم ئه‌داکه‌ چی بووه‌ واته‌ قسه‌ له‌ شتێک ده‌کا که‌ نه‌ بۆ خۆی شاهیدی بووه‌ و نه‌ شاهیدێکی بۆ ده‌هێنێته‌وه‌. ده‌لیلی دووه‌م ئه‌وه‌یه‌ نووسه‌ر ئه‌دایه‌کی کۆمێدیایی و گالته‌جاڕانه‌ وه‌ پاڵ که‌سێکی ناخۆشه‌ویستی ده‌دات؛ وه‌پاڵ دانێک که‌ له‌ گه‌ڵ هیچ ئاوه‌ز و ژیرییه‌ک دا ناگونجێت. ئاخۆ چ که‌س هه‌یه‌ بروا بکات که‌سێک له‌ سه‌ره‌مه‌رگ دا له‌ کاتی ئاویلکه‌ دان بکه‌وێته‌ گاڵته‌ و قه‌شمه‌ری کردنه‌وه‌.
ئه‌وه‌ نموونه‌یه‌که‌ له‌ نێوان زۆری تر. به‌ بروای ئێوه‌ سه‌پاندنی زه‌ینییه‌تێکی ئه‌وتۆ به‌ سه‌ر گێرانه‌وه‌ی رووداوه‌کان دا تا چ ئاستێک سرووشتی و ئاسایی یه‌ و تا چ راده‌یه‌ک نووسه‌ر بۆی هه‌یه‌ خۆی لێ بپارێزێ؟
- ره‌خنه‌ و ره‌خنه‌گری سه‌رده‌م به‌س پشت به‌ ده‌قه‌کان(بۆ ئه‌م مه‌به‌سته‌ نیشانه‌ عه‌ینییه‌کان) ده‌به‌ستێ. له‌و ئاماژه‌یه‌ی جه‌نابتدا نیشانه‌ی عه‌ینیمان نیه‌ و کاک شێرکۆ به‌پێی ناسینی ئه‌زموونیی خۆی له‌ باوکی باسی ئه‌وه‌ده‌کا که‌ ئه‌گه‌ر له‌ دوایین ساته‌کانی ته‌مه‌نیدا هه‌ژار بیویستایه‌ قسه‌ بکا، دڵنیام باسی "تومان"ی(پاره‌) ده‌کرد نه‌ک شتێکی دیکه‌.. دیاره‌ ئه‌وه‌ رمڵه‌ نه‌ک مێژوو و شتی وا.. ئه‌گه‌ریش وا بێ، وه‌ک گوتم هیچ له‌ پله‌ و پایه‌ی زمانناسیی و ئه‌دیب بوونی هه‌ژار که‌م ناکاته‌وه‌. من لام وایه‌ ئه‌گه‌ر هه‌ژار له‌هه‌موو ته‌مه‌نیدا به‌س هه‌مبانه‌بۆرینه‌ی بنووسیایه‌ خزمه‌تی خۆی وه‌ک ئه‌دیب و زمانپه‌روه‌ریی گه‌له‌که‌ی به‌جێهێناوه‌ و ئاواره‌یی و ده‌ربه‌ده‌ریه‌که‌شی پێشکه‌شی کاک شێرکۆ! بۆ ئه‌م مه‌به‌سته‌ داوا له‌ خوێنه‌ران ده‌که‌م کتێبی پیرته‌مه‌نی(کهنسالی)یه‌که‌ی "سیمۆن دوبوار" بخوێننه‌وه‌ و وردبینی ئه‌و له‌ ئاکاریی جنسیی هه‌نێ له‌ که‌ڵه‌نووسه‌ران و هونه‌رمه‌ندانی ئه‌ورووپا و جیهان بۆ وێنه‌ هۆگۆ، تۆلستۆی، ژید، شاتۆبریان گووته‌ و ترۆتسکی و....
به‌گشتی گوتاری ئه‌خلاق، گوتاریکی رێژه‌ییه‌ و ئه‌وه‌ی لای ئێمه‌ به‌ ئاکاریی باش ناودێر ده‌کری، له‌پێوه‌ندی له‌گه‌ڵ چین و توێژ و نه‌ته‌وه‌ و بار و دۆخی کولتووریی و ته‌نانه‌ت ته‌مه‌نیدا جیاوازه‌و له‌ گۆڕینی به‌رده‌وامدایه‌. ئه‌وه‌شمان له‌ بیر بێ که‌ کاک شێرکۆش باسی نه‌دای کومێدیاییده‌کا نه‌ک نه‌دای واقیعی!!
5- له‌ زۆر شوێنی ئه‌م کتێبه‌ دا، به‌ ددان پێدا هێنانی خودی نووسه‌ر گێرانه‌وه‌ی رووداو له‌ گۆرێ دا نییه‌، ئه‌وه‌ی هه‌یه‌ وێنا کردنی خه‌یالیی رووداوه‌کانه‌. بۆ نموونه‌ مامۆستا هه‌ژار له‌ شوێنیکی چێشتی مجێوردا باسی ئه‌وه‌ ده‌کات که‌ به‌ داوی ئه‌شقی ئافره‌تێکه‌وه‌ بووه‌. نووسه‌ری هه‌ژاری مروف و ده‌ورووبه‌ری "ئه‌وه‌ی له‌ چێشتی مجێور نه‌قڵ کردووه‌ به‌ڵام ئیتر له‌وه‌ به‌دواوه‌ خۆی وه‌کوو نووسه‌ر و ده‌رهێنه‌ری فیلمێکی پۆرنۆگرافی سه‌حنه‌یه‌کی وه‌رگیراو له‌ چه‌شنه‌ فیلمانه‌ به‌ وردی وێنا ده‌کات(ل 114 به‌رگی یه‌که‌م) له‌ شوێنێكی تردا نووسه‌ر ده‌لێت من هه‌ر چه­نده‌ به‌ڵگه‌یه‌کی دادگاییم نییه‌، به‌ڵام زور به‌ سه‌یری ده‌زانم هه‌ژار فڵانه‌ پێوه‌وندی له‌ گه‌ڵ فڵانه‌ که‌س نه‌ بووبێت(به‌رگی یه‌که‌م ل 54). له‌ زۆر شوێنی تر سه‌حنه‌سازی خه‌یالیی و مه‌زه‌نده‌ کردنی بێ به‌ڵگه‌ نێوه‌رۆکی ئه‌م کتێبه‌ پێک ده‌هێنن. به‌ بروای ئێوه‌ نووسینێکی به‌م مێتۆده‌ چه‌نده‌ ده‌توانێت راستگۆیانه‌ بێت و چه‌نده‌ ده‌کرێت پشتی پێببه‌سترێت.
- گرینگ راستگۆیانه‌ و ناراستگۆیانه‌ بوونی ده‌قه‌که‌ نیه‌. بۆ وه‌ی کاک شێرکۆ ئه‌یهه‌وێ باسی خۆسانسۆرکردنی تاکی ناو کۆمه‌ڵگا بکا.. کاک شێرکۆ ده‌ڵێ ئه‌گه‌ر هه‌ژار ئازادیی ده‌ربڕینی ده‌روونیاتی خۆی هه‌بوایه‌، ره‌نگه‌ به‌س چیرۆکی مارکوشتنه‌که‌ی له‌ لایه‌ن ژنی ناو دیوه‌خان‌ نه‌کردایه‌ و باسی ئه‌و "به‌ته‌پکه‌وه‌بوون"ه‌ی به‌ شێوه‌یه‌کی دیکه‌ش بگێڕایه‌ته‌وه‌. مابه‌قی خه‌یاڵی جنسیی خودی کاک شێرکۆیه‌ له‌و "به‌ته‌پکه‌وه"‌ بوونه‌ . ئه‌زقه‌زا ئه‌و نموونه‌یه‌ی جه‌نابت بۆ پشت پێ به‌ستن ده‌بێ! به‌ڵام نه‌ک بۆ به‌ئازا یان به‌خوێڕی زانینی هه‌ژار، به‌ڵکوو بۆ باسکردن له‌ ده‌روونناسی دوو تاکی جیاواز. بۆ وێنه‌ ده‌روونی هه‌ژار له‌و ده‌قه‌دا باسی " هه‌زاران نه‌رمه‌ فێڵ و لاواندنه‌وه‌ی دایکانه‌ده‌کا بۆ کیشانه‌ به‌ر که‌مه‌ندی خۆی و به‌ ته‌پکه‌وه‌ بوونی(وه‌ک دایکه‌که‌ی ژان ژاک رۆسۆ ..") ل 44-45 چێشتی مجێور.
و هه‌مان ده‌ق ئه‌و خه‌ونه‌ پۆرنۆگرافیانه‌ لای کاک شێرکۆ سازده‌کات. کێشه‌ده‌روونیه‌که‌ لای کامیانه‌؟ هه‌ژار یان شێرکۆ؟‌
" .. ده‌بی چی لێکردبێ؟ ئه‌گه‌ر وێنه‌یه‌کی ڤیدیۆی ئه‌و هه‌بوایه‌، ده‌بێ چیتێدا بووایه‌؟ و...." ل 114 هه‌ژاری مرۆڤ و....
ده‌بینین که‌ ده‌ق ئاماژه‌ به‌ "ده‌بێ" و "ئه‌گه‌ر" و "چیلێکردبێ"ی ده‌روونی شێرکۆ ده‌کا نه‌ک هه‌ژار.
دوکتۆر عێزه‌دین و باقی نووسه‌رانی ئه‌و دیویش با بۆخۆیان وه‌ڵام بده‌نه‌‌وه‌ و باسی ئه‌وه‌ بکه‌ن که‌ ئه‌و هه‌موو گاڵته‌جاڕه‌ی ناو دانیشتنه‌ به‌ناو دۆستانه‌کانیان‌ ئه‌م قسانه‌شی لێده‌که‌وێته‌وه‌و خرابتریش.. له‌وێ چاره‌کێ به‌سه‌ له‌ناو دانیشتنێکی دۆستانه‌!!ی هه‌نێ له‌ نووسه‌راندا بیت بۆوه‌ی لێت ئاشکرابێ که‌ هه‌موویان یه‌کدی و خۆشکی یه‌کیان گ...وه‌.(دڵنیام هێچیشیان کاریی وایان نه‌کردوه‌)
6- نووسه‌ر له‌م کتێبه‌دا باسی خه‌لکێکی زۆر، به‌ خه‌راپه‌ ده‌کات. له‌پاڵ ئه‌مه‌ له‌ یه‌ک دوو شوێن دا باسی تایبه‌تمه‌ندی و سرووشتی خۆی ده‌کا، خۆی به‌ خاوه‌نی میزاجێکی <<یه‌کجار زێده‌ رۆمانتیک>>(به‌رگی یه‌که‌م ل 9) و ئه‌وینداری سروشت و جوانیه‌کانی و سیفه‌تی له‌م چه‌شنه‌ دا ده‌نێت. به‌ چاوپۆشی کردن له‌وه‌ که‌ ئایا ئه‌مه‌ له‌ ئینساف نیزیکه‌ که‌ که‌سێک باسی خۆی به‌و ته‌رزه‌ جوان و هه‌ست بزوێنه‌ و باسی خه‌ڵکی دیکه‌ به‌م قێزه‌ون و بێزراوه‌ بکات یان نا، پرسیار ئه‌مه‌یه‌ ئایا ده‌کرێت که‌سێک به‌م سروشته‌ جوانی په‌سند و رۆمانتیکه و چاکخوازه‌، له‌ ژیان و به‌رهه‌می که‌سانێکی وه‌ک هه‌ژار و زه‌بیحی و مه‌لا جه‌میل و که‌سانی تردا هه‌ر به‌ ته‌نیا بۆگه‌ن و گه‌نده‌ڵی و کێم و پیسایی به‌دی بکات، ئایا به‌راستی ژیانی ئه‌م که‌سایه‌تییه‌ نێو به‌ده‌ره‌ کوردانه‌ به‌ به‌رییه‌وه‌ نییه‌ خاڵی به‌هێز و ئینسانییان لێ به‌دی بکرێت.
- ئه‌وه‌ ده‌گه‌ڕێته‌وه‌ سه‌ر خه‌سارناسی چینی ناوه‌راست، به‌ هه‌موو رووناکبیر و هۆنه‌رمه‌ند وفه‌یله‌سووف و سیاسه‌توانه‌کانیه‌وه‌. پێشتر ماڕکسیسته‌کان زۆریان له‌سه‌ر نووسیون و من نامهه‌وێ وه‌ک ئه‌وان یه‌ک لایه‌نه‌ بچمه‌ سه‌ر مینبه‌ر، به‌ڵام راستیه‌که‌ی ئه‌وه‌یه‌ ئه‌و خۆ به‌زلزان و دیتران به‌که‌م زانینه‌، ئه‌و خۆبه‌ جوانیناس و دیتران به‌ پیس ناساندنه‌، ئه‌و خۆ به‌شوان زانین و دیتران به‌ گایه‌ل زانینه‌ و به‌گشتی ئه‌و ده‌رکی ئه‌وانیتر نه‌کردنه‌، به‌شێکن له‌ تایبه‌تمه‌ندییه‌کانی چینی ناوه‌راست. کێیه‌ نه‌زانێ زۆرینه‌ی هونه‌رمه‌ندان و فه‌یله‌سووفان و رووناکبیران و ... گوویش به‌ کلاوی که‌س ناپێون و خۆیان له‌ هه‌موان پێ سه‌رتر و پێشڕه‌وتر و نوێخوازتر و....تره‌‌. هه‌ر بۆیه‌ ده‌بینین سیانیان که‌ ده‌بنه‌ پێنج "ئینشیقاق"(!!) ئه‌که‌ن و دۆستانی دوێنێی خۆیان به‌ گلاو و خائین و بوڕژوا و نه‌زان و ...تاد. ناودیر ده‌که‌ن. من پێشتر له‌ روانگه‌ی "ئانتۆنیۆ گرامشی"یه‌وه (رووناکبیرانی نه‌ریتی و ئۆرگانیک) باسی هه‌ژار و هێمنم کردوه‌‌ و نامهه‌وێ دووپاتی بکه‌مه‌وه‌. گرینگ ده‌قی هونه‌ریانه‌یه‌ نه‌ک قاره‌مان و ناقاره‌مان بوونی که‌سایه‌تی. با دۆستانیش ئه‌وه‌ بزانن که‌ رووناکبیران و ته‌نانه‌ت سیاسه‌توانانی مه‌ش قاره‌مان و بێ هه‌ڵه‌ نین...
7- نووسه‌ری کتێب له‌ زۆر شوێنی کتێبه‌که‌ی دا رسته‌ی کوردی نا رێزمانی یا رسته‌ی له‌ باری مانایی هاڵۆزی نووسیوه‌ یان لاپه‌ره‌یه‌کی بۆ بابه‌تی وردی بایۆلۆژی باسی ژێن((gene ته‌رخان کردووه‌. ئایا کوری نووسه‌رێکی هه‌ره‌ ناسراوی کورد-که‌ نووسینه‌که‌ی بۆ زۆر که‌س سه‌رمه‌شقی خاوێن نووسینه‌- له‌ جییاتی هه‌ڵهێنجانی کێـم و چڵک له‌ ژیانی باوکی ، بۆی نه‌بوو کوردییه‌کی پاک و ره‌وانی لێ فێر بووبا؟ به‌ بروای ئێوه‌ ده‌کرێت سووچی هه‌ڵه‌ی له‌م ده‌سته‌ بخه‌ینه‌ سه‌رئه‌ستۆی هه‌ژار و نووسه‌ری کتێبی لێ بێتاوان بزانین.(ئه‌وه‌ له‌ حالێک دایه‌ که‌ نووسه‌ر له‌ زۆر شوێنی کتێبه‌که‌ی دا راسته‌وخۆ یا ناراسته‌وخۆ ددانی پێدا هێناوه‌ که‌ هه‌ژار ده‌رسی پێکووتوه‌ و له‌ رووی فێر کردن و بارهێنانه‌وه‌ که‌می خۆ له‌ گه‌ڵ ماندوو نه‌ کردووه‌.)
- وه‌ک له‌ سه‌ره‌وه‌ ئاماژه‌م کرد کاک شێرکۆ به‌ پێی هه‌مان تایبه‌تمه‌ندی چینی ناوه‌ڕاست!! خۆی له‌ باوکی پێ زمانه‌وانتره‌ و هه‌ر بۆیه‌ وشه‌گه‌لی "ته‌بیعی" فارسی و عه‌ره‌بی ویوونانی ره‌سه‌ن زۆر به‌کار ده‌هێنێ و ناو به‌ناویش که‌ ده‌قێک له‌ هه‌ژار دێنێته‌وه‌ به‌دوایدا ده‌ڵێ که‌ " به‌ رێنووسی خۆم" ... به‌گشتی باسکردن له‌سه‌ر زمانی به‌رهه‌مه‌که‌ی کاک شێرکۆ جیاوازه‌ و به‌ڕاستی ده‌رفه‌تێکی دیکه‌ی ده‌وێ و ده‌ق و به‌ڵگه‌ هێنانه‌و و... ته‌نانه‌ت که‌سی زمانه‌وانی خۆی و.. به‌ڵام ئه‌وه‌ بزانن من زۆر له‌ شێرکۆ و باوکی شێرکۆ و ره‌خنه‌گرانی تر شاعیرتر و ره‌خنه‌گر ترم و.. من منیمنم
له‌ کۆتاییدا پێویسته‌ بڵێم؛ هه‌رچی بێ، یاخی بوون له‌ باوک و ده‌سه‌ڵاتی له‌ مێژینه‌ی باوک به‌ جه‌ساره‌تێکی رووناکبیرانه‌ له‌قه‌ڵه‌م بده‌ن، نه‌ک به چاوی سه‌له‌فیانه‌ی؛ ‌" کوڕی باوکی خۆ نه‌بوون"و زمانم لال زۆڵ

سه‌قز – 17/4/89
----------------------------

ئه‌م دیمانه‌یه‌ بۆ گۆڤاری مه‌هاباد ئاماده‌کراوه‌ و دواتر له‌ "پێشه‌نگ" وێبنووسی به‌ڕێز یوونس ره‌زاییشدا بڵاو بۆته‌وه‌.