شێعره‌سات

جيهاني وبلاگ نووسي جيهانيكي تازه‌يه و به داخه‌وه درگاي ئه‌و جيهانه دره‌نگ له ئيمه كرايه‌وه به‌لام چار نيه و ده‌بي بيگه‌يني به‌و هيوايه‌ي هيچمان بو گوتن /لاني كه‌م به خومان پي بي سوزه‌ني 27/9/83/

شنبه، اردیبهشت ۰۱، ۱۳۸۶



شێعر و تکنیکی فره‌زمانیی ( Poly glosia)



له‌ به‌رهه‌می نوێخوازاندا







له‌ گۆڤاری رامانی ژماره‌‌ 119 دا بابه‌تێکی ره‌خنه‌یی له‌ به‌رێز سۆران محه‌ممه‌دی بڵاوبۆته‌وه‌ که‌ له‌ مانا و بێمانایی شێعری نوێ ده‌کۆلێته‌وه‌ و‌ ئاماژه‌ به ‌هه‌نێ لایه‌نی تکنیک و ناوه‌ڕۆک ده‌کا له‌ شێعری نوێترخوازدا و ته‌سک بیریی جه‌ماعه‌تی نه‌ریتخواز دێنێته‌وه‌ گه‌ڕ و...



وتاره‌که‌ باش ویراستاری‌ نه‌کراوه‌ و هه‌ڵه‌ی چاپیی زۆری تێدا ده‌بینرێ (به‌داخه‌وه‌ ئه‌وه‌ کێشه‌ی زۆربه‌ی گۆڤار و چاپه‌مه‌نیه‌کانی کوردییه‌) به‌ڵام له‌به‌ر ئه‌وه‌ی به‌س ده‌ق له‌و خوێندنه‌وه‌داگرینگی پێدراوه‌ نه‌وه‌ک خاوه‌نده‌ق، جێی سه‌رنجه‌ و با پێکه‌وه‌ دیسان بیخوێنینه‌وه‌:
http://www.raman-media.net/119/r22.pdf

جمعه، فروردین ۲۴، ۱۳۸۶

گۆڤاری شین و



گۆڤاری شین و ویراستاری نوێ!!



گۆڤاری شین ی ژماره‌ 19 وه‌رگێڕانێکی منی له‌ "تێئۆدۆر ئادرنۆ" بڵاو کردۆته‌وه‌ به‌ناوی " شوێنگه‌ی بگێڕه‌وه‌(راوی)له‌ رۆمانی سه‌رده‌مدا" که‌ به‌ داخه‌وه‌ له‌ بگێڕه‌وه‌که‌ی تێنه‌گه‌یشتوونه‌ و وه‌رگێڕیان له‌بری بۆ داناوه‌(!!) و هه‌ر له‌ سه‌ردێڕه‌وه‌ تێی ریاون و به‌ تیترێکی گه‌وره‌ نووسیویانه‌ " شوێنگه‌ی وه‌رگێڕ له‌ رۆمانی سه‌رده‌م دا"


ئه‌مه‌ش ده‌زگای ئاراس و چۆنیه‌تی پێداچوونه‌وه‌ و ویراستاری ده‌ق له‌وێ... ئیتر ئێوه‌ خۆش و ئاو هێنرا و ده‌ست و پل شۆردرا و مافی وه‌رگێڕانی منیش نه‌درا و بڕایه‌وه‌.


ئیتر با هه‌ر باسی وتاره‌که‌ نه‌که‌ین که‌ که‌س لێی تێناگا ئه‌وه‌ند هه‌ڵه‌ی تایپی تێدایه‌: بۆ وێنه‌ له‌ وتاره‌که‌دا هاتووه؛


‌" ئیسته‌کانی تایبه‌تمه‌ندی ئه‌و شوێنگه‌یه‌ هاودژێتی(پارادۆکسی) بوو" که‌ ده‌بوا ئاوا بوایه‌؛


تا ئێسته‌کانێ یه‌کێ له‌ تایبه‌تمه‌ندییه‌کانی ئه‌و شوێنگه‌یه‌ هاودژێتی بوو"


‌ ده‌بینین که‌ ئه‌و دوو دێڕه‌ ئه‌رز تا ئاسمانیان فه‌رقه‌‌ و چه‌ندین نموونه‌ی دیکه‌...


به‌ڵام ئاخ بۆ گوێیه‌ک که‌ باش ببیستێ!