شێعره‌سات

جيهاني وبلاگ نووسي جيهانيكي تازه‌يه و به داخه‌وه درگاي ئه‌و جيهانه دره‌نگ له ئيمه كرايه‌وه به‌لام چار نيه و ده‌بي بيگه‌يني به‌و هيوايه‌ي هيچمان بو گوتن /لاني كه‌م به خومان پي بي سوزه‌ني 27/9/83/

جمعه، مهر ۰۵، ۱۳۸۷

کۆڕێکی ئه‌ده‌بی



ده‌ق و ره‌خنه‌


له‌ ئێواره‌ چیرؤکێک بۆ ناسر وه‌حیدی دا



رۆژی 5شه‌ممه‌(4/7..) گرووپی چیرۆکی شه‌وار ئێواره‌یه‌کی ته‌رخانکرد بۆ ده‌ق و ره‌خنه‌ ی چیرۆک ی "قه‌ڵای کلیل" نووسینی به‌رێز ناسر وه‌حیدی.


زۆرێ له‌ چیرۆکنووسان و لایه‌نگرانی ره‌خنه‌ و چیرۆکی کوردی له‌ شاری سه‌قز له‌ شوێنی هونه‌ریی شه‌وار به‌شداری ئه‌و کۆڕه‌ بوون و به‌ پرسیار و ره‌خنه‌کانی خۆیان کۆڕه‌که‌یان زێده‌تر ورووژاند.


سه‌ره‌تا به‌رێز ناسر وه‌حیدی چیرۆکی قه‌ڵای کلیل(له‌ کۆچیرۆکی "خه‌ونه‌کانی ئیقلیمی با") ی خوێنده‌وه‌ و له‌ لایه‌ن دانیشتوانه‌وه‌ ته‌شویق کرا ... دوای پشوویه‌کی کورت من سێ خوێندنه‌وه‌م به‌ ناوی " له‌ خه‌ونه‌کانی ئیقلیمی یه‌وه‌.. کلیلێک" خوێنده‌وه‌ و هه‌وڵم دا له‌ خوێندنه‌وه‌ی یه‌که‌مدا؛ له‌ باری نیشانه‌ ناسیه‌وه‌ وشه‌گه‌لی چه‌قۆ و خوێن و کلێل و خاک شێ بکه‌مه‌وه‌ و به‌راوه‌ردێک بکه‌م له‌ نێوان قه‌ڵای کلیل و چیرۆکه‌کانی بۆرخس دا..


له‌و خوێندنه‌وه‌دا له‌باری جوانناسی چیرۆکه‌وه‌ ئاماژه‌مکرده‌خه‌لقی ناشوێن، ناکات، سێحر و که‌ش و هه‌وای سوور رێئال بۆ سازکردنی داگه‌ڕان(تعلیق) و گۆشه‌نیگا و که‌سایه‌تی (دیاری نه‌کردنی خائین و قاره‌مان)...


له‌خوێندنه‌وه‌ی دووهه‌م و سێهه‌مدا باسی دیالۆگم کرد و جیاوازی دیالۆگی ده‌سه‌ڵاتدارانه و سه‌ر به‌ هیزی باوک.. له‌گه‌ڵ گفتوگۆی واقیعی و نه‌بوونی رۆڵی ژن له‌ مێژووی نووسراودا ...1


دواجار دانیشتوان پرسیاره‌کانیان له‌مه‌ر براکوژی و گه‌وره‌کردنه‌وه‌ی ئه‌وچه‌مکه‌ له‌ چیرۆک و ره‌خنه‌کاندا ئاراسته‌کرد و به‌ پێی توانا کاک ناسر و من وه‌ڵامی پرسیاره‌کانمان دایه‌وه‌..


من زێده‌تر جه‌ختم کرده‌ سه‌ر جیاوازی ره‌خنه‌ی به‌ناوکلاسیکی( قازیقوزاتانه‌ که‌ هوه‌ڵئه‌دا ئه‌رێ و نه‌بێ و ئه‌شێکانی خۆی به‌سه‌ر ده‌قدا بسه‌پێنێ و خوێندنه‌وه‌یه‌کی یه‌ک ره‌هه‌ند بکا ) و ره‌خنه‌ی نوێ(چه‌ندلایه‌نه‌ و چه‌ند ده‌نگانه‌..) و له‌و رێ وه‌ خوێنه‌رانی ئاسایی و مامناوه‌ند و چالاکی چیرۆک پێناسه‌ بکه‌م..


جێی خۆیه‌تی سپاس و پێزانینی خۆم ئاراسته‌ی گرووپی هونه‌ریی شه‌وار به‌گشتی و کارگای چیرۆکی شه‌وار به‌ تایبه‌تی بکه‌م بۆ هه‌موو هه‌وڵه‌کانیان له‌ پێناو گه‌شه‌پێدان به‌ هونه‌ر و ئه‌ده‌بی کوردیدا... هه‌ر بژین و به‌رده‌وام بن!


---------


1- ئه‌و خوێندنه‌وانه‌ پێشتر له‌گه‌ڵ بلاو بوونه‌وه‌ی کۆ چیرۆکی " خه‌ونه‌کانی ئیقلیمی با" (له‌ ده‌زگای ئاراس ه‌وه‌ ... بڵاو کرایه‌وه‌،

یکشنبه، شهریور ۲۴، ۱۳۸۷

شانۆ (3)


حه‌وته‌مین فستیواڵی شانۆی کوردی و


پرس و ئه‌گه‌ره‌کانی دوایی؛


به‌شی(3)هه‌م


رۆژنامچه‌ی فستیواڵی شانۆی کوردی




فستیواڵه‌کان بۆ ئه‌وه‌‌ بتوانن راسته‌وخۆ و هاوکات به‌رهه‌مه‌ پێشکه‌ش کراوه‌کان له‌ روانگه‌ی بینه‌ران و خودی هونه‌رمه‌ندان (و شانۆکاران) و به‌رپرسانی فستیواڵه‌وه‌ بنوێننه‌وه‌، هه‌وڵ ئه‌ده‌ن به‌ شێوه‌ی رۆژانه‌ له‌ بوڵتن)رۆژنامچه‌) یه‌کدا کاردانه‌وه‌ی فستیواڵ بڵاو بکه‌نه‌وه‌ و هه‌ر بوڵتێک له‌ژێر نه‌زه‌ری " ده‌سته‌ی نووسه‌ران" ێکدایه‌ که‌ به‌رێوه‌به‌رانی فستیواڵ پێشتر دیارییان کردوه‌ و ئه‌و که‌سانه‌ حه‌تم ده‌بێ پێشتر نووسه‌ر یان ره‌خنه‌گر و رۆژنامه‌گه‌ر بوبێتن بۆ وه‌ی بتوانن به‌شێوه‌یه‌کی هونه‌ریی وهونه‌رمه‌ندانه‌ بوڵتن( وه‌ک به‌شێک له‌ لقه‌کانی دیکه‌ی فستیواڵ) له‌کاتی خۆیدا بڵاو بکه‌نه‌وه‌ و رۆژله‌گه‌ڵ رۆژ له‌رێگه‌ی بڵاوکردنه‌وه‌ی رای بینه‌ران و ره‌خنه‌گران و وێنه‌گران و.... فستیواڵ زێده‌تر بهه‌ژێنن....



به‌و پێشه‌کیه‌ کورته‌وه‌ ئه‌مهه‌وێ ئه‌و پرسیارانه‌ بکه‌م؛ ته‌نیا به‌ناو بوڵتنی فستیواڵ چی بوو و له‌ خزمه‌ت کێدا بوو و بۆ وابوو؟


هه‌ر به‌ سه‌رنجدانێک له‌ بروشووری 16 نیولاپه‌ڕه‌یی فستیواڵ ده‌رده‌که‌وێ که‌ لای ئێمه‌ بۆ سازکردنی فستیواڵێک ده‌وڵه‌ت چه‌ند ده‌ور ده‌بینێ و هونه‌رمه‌ند چه‌ند؟


ئه‌م ناو و" ئارم" انه‌ به‌ پشت بروشووری(له‌بری رۆژنامه‌ی فستیواڵ) حه‌وته‌مین فستیواڵی شانۆی کوردی(سه‌قز) ه‌وه‌یه‌؛ سازمان ملی جوانان، شهرداری، شورای اسلامی شهر، فرمانداری سقز، اداره‌ فرهنگ و ارشاد اسلامی، انجمن نمایش (وابسته‌ به‌ ارشاد اسلامی)، مرکز هنرهای نمایشی(وابسته‌ به‌ ارشاد اسلامی) .. هه‌ڵبه‌ت له‌ بیرمان نه‌چێ به‌رپرسی "انجمن نمایش سقز" به‌رپرس یان ئه‌ندامی شوورای شاریشه‌.. و.. تا.. دوایی.



با سه‌رنچ بده‌ینه‌ به‌ ناو وتاره‌کان یان ناوه‌رۆکی ئه‌و نارۆژنامچه‌یه‌؛



" کلام نخست" هیوا حاجی محمدی" – دبیر جه‌شنواره‌ - رئیس اداره‌ فرهنگ و ارشاد سقز


مصاحبه‌ با رئیس ستاد اجرایی.. – منصور ایمانی- مدیرکل فرهنگ و ارشاد اسلامی کردستان


گوته‌کانی رئیس ستاد برگذاری – مهندس افشاریان- فرماندار شهرستان سقز..


حرفی برای گفتن – علیرضا.. مدیر ستاد اجرایی – رئیس انجمن نمایش سقز


پای سخن یک بازبین- عبید... بازبین هفتمین جشنواره‌ تئاترکردی


مروری بر شش دوره‌ جشنواره‌ (له‌ لاپه‌ره‌یه‌کدا!!)


ناو و ناوبانگی داوه‌ره‌کانیش له‌ به‌شی دوایی به‌ناو "بلتن"ی فستیواڵه‌که‌دا هاتوه‌ و ئاو بێنه‌ و ده‌ست شۆ و نارازیشی.. ئه‌وه‌ مه‌جبوور نیت بیخوێنیته‌وه‌ و.. کاریشت له‌ هیچ فستیواڵی داهاتوودا په‌سه‌ند ناکرێ و ئه‌بی به‌ "دگر اندیش" و خوانه‌کا ئه‌و ناوه‌ش به‌ که‌سێکه‌وه‌ بلکێ.... تا له‌بیرم نه‌چووه‌ با ناوی ده‌سته‌ی نووسه‌رانی ئه‌و "بلتن" ه‌ سه‌یره‌ی فستیواڵی شانۆی کوردی(!!) بۆ مێژووی رۆژنامه‌گه‌ریی خۆمان بێنمه‌وه‌ که‌ هه‌ر له‌ لاپه‌ڕه‌ی یه‌که‌م دا وه‌ک خۆر(!!) ئه‌دره‌وشێنه‌وه‌ و هیچ وتارێکیشیان به‌کوردی و ناکوردی تێدا بڵاو نه‌کردۆته‌وه‌؛


مدیر مسئول: هیوا حاج محمدی


سردبیر: فرهاد حامدی


تحریریه‌: خالد خاکی – کمال نوجوان- سامان سید ابراهیمی


عکاس: شمال مرتضایی( که‌ به‌ڕاستی عه‌کسگه‌لێکی هونه‌رمه‌ندانه‌ی گرت و له‌ پیشانگایه‌کدا بڵاوی کرده‌وه‌ و جێی خۆیه‌تی پیرۆز بایی و ده‌ستخۆشی ئاراسته‌ بکرێ و وه‌ک هونه‌رمه‌ند ناوێ بێنین)


حروف چینی: .... – صفحه‌آرایی و گرافیک: فرهاد ...



جێی خۆیه‌تی ده‌رهێنه‌رانی ئه‌و "بلتن"ه‌ سه‌رله‌ نوێ ئه‌و شته‌‌ بخوێننه‌وه‌ و له‌ خۆیان بپرسن؛ به‌ڕاستی ئه‌گه‌ر ئه‌وکاره‌ نین بۆ کردیان و ئه‌گه‌ر ئه‌وکاره‌ن بۆ نه‌یانکرد؟


هیوادارم خوێنه‌رانی ئه‌م وێبلاگه‌ش بێ ئه‌وه‌ من بکه‌ومه‌ درێژدادڕییه‌وه‌ وه‌ڵامی پرسیاره‌کانی منیان وه‌رگرتبێ و زۆری له‌سه‌ر نه‌ڕۆن ... ئه‌گینا.... کوڕه‌(یان کچه‌) وێڵی که‌ خۆشت تێ ێ ێ..

چهارشنبه، شهریور ۲۰، ۱۳۸۷

ئێواره‌ چیرۆک



ئێواره‌ چیرۆکێک بۆ یوونس ره‌زایی؛



دوێنێ سێ شه‌ممه‌ 19ی خه‌رمانان گرووپی چیرۆکی شه‌وار به‌ به‌شدارێ زۆرێ له‌ چیرۆکدۆستانی شاره‌که‌مان ئێواره‌ چیرۆکێکی بۆ خوێندنه‌وه‌ی دوو چیرۆکی به‌رێز یوونس ره‌زایی(شاعیر و چیرۆکنووس) له‌ شوێنی گرووپی هونه‌ری شه‌وار سازکرد. له‌م ئێواره‌دا سه‌ره‌تا به‌رێز یوونس ره‌زایی چیرۆکی "هه‌رکه‌س ئه‌م چیرۆکه‌ی به‌دڵ نیه‌ که‌یفی خۆیه‌تی" خوێنده‌وه‌ و وه‌لامی دانیشتوانی له‌مه‌ر چیرۆکه‌که‌ دایه‌وه‌ و دواجار من دووخوێندنه‌وه‌ی ده‌روونشیکارانه‌م ئاراسته‌کرد و له‌ روانگه‌ی یۆنگ و فرۆیده‌وه‌ تیشکم خسته‌ سه‌ر نمادگه‌لی وه‌ک ئاوێنه‌ و تاریکی(وه‌ک ره‌مزی ناخودئاگا) که‌سایه‌تیه‌کانیx و y (وه‌ک ره‌مزی منه‌کانی ده‌روون) و په‌پووله‌ و بۆنی په‌پووله‌ وه‌ک ره‌مزگه‌لی نێرماکی و غه‌ریزه‌...و کات و شوێن و که‌س و رووداوم له‌و ده‌قه‌دا به‌رجه‌سته‌کرده‌وه‌ و جیاوازیه‌کانیانم له‌ ناو چیرۆکی رێئال و مودێرندا باس کردو چیرۆکه‌که‌م هێنایه‌ خانه‌ی چیرۆکگه‌لی ده‌رووننڤیسانانه‌ و چیرۆکی مودێرنه‌وه‌.. ئه‌و چیرۆکه‌ به‌جوانی رۆچووبووه‌ ناخی منه‌کانی ده‌روون و نائاگای تاکه‌وه‌..


ئینجا به‌رێز یوونس ره‌زایی چیرۆکی "پیاوێک نه‌بوو حیکایه‌تێک بگێڕێته‌وه‌ له‌ بارام"ی خوێنده‌وه‌ و وه‌ڵامی پرسیاری دانیشتوانی دایه‌وه‌...


من له‌ روانگه‌ی فۆکه‌وه‌ پێوه‌ندیه‌کانی بارام(وه‌ک ره‌مزی ده‌ست و پێوه‌نده‌کانی ده‌سه‌ڵات) و حیکایه‌تخوانه‌کان(رسووڵی ته‌پله‌ و حه‌سه‌ن به‌له‌جه‌ و گۆرانی بیژ – وه‌ک هه‌ڵوێستی هونه‌رمه‌ندانه‌ له‌ به‌رامبه‌ر ده‌سه‌لاتدا) ئاماژه‌ پێکرد و کات و که‌س و شوێن و هۆکارێتی(علیت) چیرۆکه‌که‌م روونکرده‌وه‌ و باسی ئه‌و گه‌مه‌ زمانییه‌م کرد که‌ ده‌ق له‌رێگه‌ی زمانی دوو حیکیه‌تنووس و حیکایه‌تخوانه‌وه‌‌ ده‌یکا و ئه‌و ره‌هه‌نده‌ مێژووییه‌ی که‌ له‌م گه‌مه‌دا ده‌ینوێنێ و ئه‌مانباته‌وه‌ بۆ قه‌ڵای دمدم و هه‌وڵێر و چۆنیه‌تی شکسته‌کانمان...


هه‌روه‌ها به‌راوه‌ردی ئه‌و چیرۆکانه‌ له‌باری په‌رژانه‌سه‌ر ده‌روون(له‌چیرۆکێ یه‌که‌مدا) و ده‌ره‌وه‌ی هه‌ستی مرۆڤ (له‌ چیرۆکی دووهه‌مدا) .....


جێی خۆیه‌تی سپاسی یوونس ره‌زایی(شاعیر و نووسه‌ر) و گرووپی چیرۆکی شه‌وار بکه‌ین و هیوای به‌رده‌وامی بۆ ئه‌و به‌رێزانه‌ له‌ خزمه‌ت ئه‌بی کوردیدا...

شنبه، شهریور ۱۶، ۱۳۸۷

شانۆ 2



حه‌وته‌مین فستیواڵی شانۆی کوردی و


پرس و ئه‌گه‌ره‌کانی دوایی؛


به‌شی(2)هه‌م



که‌ف و کوڵی مه‌ودا نه‌دان به‌ هه‌نێ شانۆ و هاتنه‌ سه‌ر شانۆی هه‌نێ له‌ شانۆکان نیشته‌وه‌ و خه‌ڵاتی(سه‌دهه‌زار و په‌نجاهه‌زارتمه‌نی!!) ئاکته‌ران و ده‌رهێنه‌ران و ده‌قه‌کان و .... درا.....و ئاو هێنرا و ده‌ست شۆردرا و داوه‌رانی کوردی نه‌زانی فستیواڵیش ئه‌وه‌نده‌ی پێویست تاریفی حه‌مه‌عه‌لی که‌شاوه‌رز (ئاکته‌ری پاره‌کی ده‌مو ده‌زگا) یان دا و پاره‌ی خۆیان وه‌رگرت و رۆشتنه‌وه‌ و.. یا عومر تا سێ چوار ساڵی دیکه‌ و پێوه‌ندی و ته‌عامولێکی دیکه‌ی شانۆکارانی ئه‌نجومه‌نی ئیرشاد و دایه‌ره‌ی ئیرشادی ئوستان و سه‌ره‌وه‌ و سه‌ره‌وه‌تریان بۆ فستیواڵێکی دیکه‌ و ئیشه‌ڵڵا و سه‌د ئیشه‌ڵڵای تررررر...


به‌ڵام روانینی ره‌خنه‌یی بۆ فستیواڵه‌کان و به‌تایبه‌ت حه‌وته‌مین فستیواڵی شانۆی کوردی(سه‌قز) هێشتا ماوه‌ته‌وه‌ و جێی خۆیه‌تی زۆربه‌ی ده‌رهێنه‌ران و ره‌خنه‌گرانی مه‌ ئه‌و ده‌رفه‌ته‌ بقۆزنه‌وه‌ و بۆ گه‌شه‌پێدانی هه‌رچی زێده‌تری شانۆی کوردی و به‌ سانایی لێی تێپه‌ڕ نه‌بن!


من هه‌وڵئه‌ده‌م سه‌ره‌تا وه‌ڵامی پرسیاری یه‌که‌م بده‌مه‌وه‌؛


له‌به‌ر چ هۆکار یان هۆکارگه‌لێ دانیشتنه‌کانی ره‌خنه‌ و هه‌ڵسه‌نگاندن ی شانۆگه‌لی به‌شداربووی فستیواڵ، به‌ڕێوه‌ نه‌چوو؟


‌ئاگادارین که‌ له‌ شه‌ش فستیواڵی پێشوودا دوابه‌دوای به‌ڕێوه‌چوونی شانۆگه‌رییه‌کان زۆربه‌ی بینه‌ران له‌ هه‌مان هۆڵ دا ده‌مانه‌وه‌ و به‌شدارییان ده‌کرد له‌ باس و پرس و شرۆڤه‌ی ره‌خنه‌گران و وه‌ڵامدانه‌وه‌ی ده‌رهێنه‌ران و.... یه‌کێ له‌ خاڵه‌ ئه‌رێنیه‌کانی فستیواڵه‌کانی پێشوو هه‌مان ئه‌و دانیشتنانه‌ بوو که‌ ده‌بوه‌ هۆی چوونه‌ سه‌ره‌وه‌ی زێده‌تری زانیاری و ئه‌زموونی شانۆگه‌ریی شانۆکاران له‌ لایه‌ک و بینه‌ران و ره‌خنه‌گران له‌ لایه‌کی دیکه‌وه‌. هه‌روه‌ها تێگه‌یشتنی زێده‌تری بینه‌رانی ئاسایی و مامناوه‌ند هۆکارێ بوو بۆ به‌شداریی زێده‌تر و زۆربوونی بینه‌رانی شانۆی کوردی (که‌ به‌داخه‌وه‌ له‌به‌ر نه‌بوون یان که‌مبوونی ده‌رفه‌تی نواندن هێند زۆر نینه)‌1


که‌وایه‌ تۆ بڵێ ده‌ستگه‌لێک نه‌هاتبێته‌ کار که‌ حه‌ز به‌و گه‌شه‌ و نه‌شه‌ ناکا و فستیواڵی به‌س بۆ هه‌نی پروپاگه‌نده‌ی تایبه‌ت ده‌وێ و وه‌ک په‌یژه‌یێک لێی ده‌ڕوانێ بۆ خۆهه‌ڵکشان و پله‌یه‌کی سه‌رتری به‌ناو کۆمه‌ڵایه‌تی(!!)؟ من پێشتریش گوتوومه‌ پێوه‌ری ئه‌رێنی و نه‌رێنی فستیواڵه‌کان به‌س ئه‌و کاره‌ هونه‌ریانه‌ن که‌ تێیدا دێنه‌ ده‌ربڕین و نواندن و کاتێک تای ته‌رازووی ئه‌و ته‌عاموڵانه‌(رۆشنبیر یان هونه‌رمه‌ند و ده‌سه‌ڵات) به‌لای هونه‌ر و هونه‌رمه‌نددا ده‌که‌وێ که‌ به‌رهه‌مه‌کان سه‌نگین و به‌هێز بن.. ئه‌گینا که‌م نه‌بوونه‌ ئه‌و به‌ناو فستیواڵانه‌ی که‌ زۆرینه‌ی هونه‌رمه‌ندان حه‌زیان به‌ به‌شدارێش نه‌کردوه‌ تێیدا. سه‌یر ئه‌وه‌ بوو که‌ هیچ کام2 له‌و ده‌رهێنه‌رانه‌و گروپه‌شانۆییه‌کانیش 2 ئاماده‌نه‌بوون سوور بن له‌سه‌ر هه‌ڵسه‌نگاندنی شانۆگه‌ریه‌کانیان و ئه‌وه‌ش سه‌د مه‌خابنێکی دیکه‌ی ده‌وێ و حه‌تم له‌و روانینه‌ کۆنه‌وه‌( له‌ سه‌ر ره‌خنه)‌ سه‌رچاوه‌ ده‌گرێ که‌ لایان وایه‌ ره‌خنه‌کاری یانی باس کردنی لایه‌نی لاوازی به‌رهه‌مه‌که‌یان، نه‌ک خوێندنه‌وه‌ی چه‌ند لایه‌نه‌ و به‌رجه‌سته‌کردنه‌وه‌ی لایه‌نه‌ شاراوه‌کانی ده‌ق یان کار ه‌هونه‌ریه‌کان... هه‌ر بۆیه‌ کاتێک به‌رپرسانی ئیرشاد و داوه‌ره‌کانی فستیواڵ(!!) رایانگه‌یاند که‌ دانیشتنه‌کانی ره‌خنه‌وهه‌ڵسه‌نگااندن به‌رێوه‌ ناچێ! هیچ که‌س مێشێکیش نه‌یگه‌ست و بگره‌ خوشحاڵیش بوون له‌وه‌ی که‌ که‌س باسی لاوازیی کاره‌کانیان ناکا!! ئه‌وان نه‌یانده‌زانی که‌ ئه‌و دانیشتنانه‌ ده‌رفه‌تی سه‌لیقه‌یی بوون له ‌داوه‌ران ده‌سێنێ و رای ره‌خنه‌گرانیش به‌شدار ده‌کا له‌ زێهن و بۆچوونی ئه‌واندا.. دوای ئه‌و دانیشتنانه‌یه‌ که‌ ده‌رده‌که‌وێ داوه‌ر چه‌ند سه‌لیقه‌یی و چه‌ند هونه‌ریانه‌ چۆته‌ سه‌ر مینبه‌ر و هونه‌رمه‌ندان ده‌یانزانی که‌ شانۆش هونه‌ره‌ نه‌ک زانست3 و ده‌که‌ونه‌ چ ئاستێکی هونه‌ریی و "له‌کوێی زه‌ویدا وه‌ستاون"4


ماویه‌تی


=====


111- بینه‌رانی ئه‌م فستیواڵه‌ به‌هۆی پروپاگه‌نده‌ی حه‌وتووی ده‌وله‌ت و ده‌هۆڵ و زورنا و هه‌ڵپه‌رکێی گروپی.......... له‌ ناو پارکی شاردا( که‌ حه‌مه‌ی زارعزاده‌ به‌رێوه‌ی برد) زۆر بوو.


2- چگه‌ گرووپی شانۆی شه‌وار که‌ سووربوون له‌ سه‌ر ئه‌و دانیشتنه‌ و به‌س ئه‌و کاره‌ هه‌ڵسه‌نگێنرا..


3- له‌ ته‌نیا دانیشتنی هه‌ڵسه‌نگاندن دا(بۆ ماچ و فرمێسک) یه‌کێک له‌ ده‌رهێنه‌ران (که‌ خه‌ڵاتی دووهه‌مشی به‌رکه‌وت) ده‌یگۆت: ‌ "شانۆ زانسته‌" و تا هه‌نووکه‌ جیاوازی نێوان هونه‌ر و زانستی بۆ روون نه‌ببوه‌وه‌!!

4- " مرکز ثقل زمین کجاست ... من در کجای زمین ایستادام"- خسرو گلسرخی